Elanlar

                                                                                                     ELAN

“İctimai iştirakçılıq haqqında” Azərbaycan Respublikası Qanununun və “İctimai Şuranın Vətəndaş Cəmiyyəti İnstitutları tərəfindən seçilməsinə dair Əsasnamə”nin təsdiq edilməsi haqqında Nazirlər Kabinetinin qərarına uyğun olaraq rayon İcra Hakimiyyəti başçısının 07 iyun 2021-ci il tarixli 97 nömrəli sərəncamı ilə Ağcabədi Rayon İcra Hakimiyyəti yanında İctimai Şuraya seçkinin təşkili məqsədi ilə komissiyası yaradılmış, 21 avqust 2021-ci il tarixdə seçki komissiyası tərəfindən ictimai şuraya seçkilər keçirilmiş, seçkinin yekunlarına əsasən vətəndaş cəmiyyəti institutlarının birgə yığıncaqda iştirak edən təmsilçilərinin yarıdan çoxunun səsini toplayan namizədlərdən 15 nəfəri ictimai şuranın tərkibini formalaşdırmışdır.

“İctimai iştirakçılıq haqqında” Azərbaycan Respublikasının Qanununun 6.2-ci bəndinə əsasən rayon İcra Hakimiyyəti yanında İctimai Şuranın səlahiyyət müddətinin bitməsini nəzərə alaraq Ağcabədi Rayon İcra Hakimiyyəti başçısının 11 yanvar 2024-cü il tarixli, 2 nömrəli sərəncamı ilə “İctimai iştirakçılıq haqqında” Azərbaycan Respublikasının Qanununa əsasən yerli icra hakimiyyəti və yerli özünüidarəetmə orqanlarının fəaliyyətinə ictimai nəzarətin təşkilində vətəndaşların və vətəndaş cəmiyyəti institutlarının iştirakı, dövlət və yerli özünüidarəetmə orqanlarının ictimaiyyətlə məsləhətləşməsi və ictimai rəyin nəzərə alınması məqsədilə rayon İcra Hakimiyyəti yanında İctimai Şuraya növbəti seçkinin təşkili üçün yerli icra hakimiyyəti və yerli özünüidarəetmə orqanlarının əməkdaşlarından 4 üzv, vətəndaş cəmiyyəti institutu nümayəndələrindən 5 üzv olmaqla 9 nəfərdən ibarət seçki komissiyası yaradılmışdır.

Seçki Komissiyası “İctimai iştirakçılıq haqqında” Azərbaycan Respublikası Qanununun 6.1-ci maddəsinə əsasən hazırlanmış və Azərbaycan Respublikası Nazirlər Kabinetinin 30.05.2014-cü il tarixli 171 nömrəli Qərarı ilə təsdiq edilmiş “İctimai şuranın vətəndaş cəmiyyəti institutları tərəfindən seçilməsinə dair Əsasnamə”yə uyğun olaraq İctimai Şuraya keçiriləcək seçkiyə namizədlərin qəbuluna başlayır.

Namizədlərin irəli sürülməsi və qeydiyyatı üçün nəzərdə tutulan müddət iyirmi iş günü olmaqla 2024-cü ilin yanvar ayının 15-dən fevral ayının 12-dək müəyyən edilmişdir.

İrqindən, etnik mənsubiyyətindən, dinindən, dilindən, cinsindən, mənşəyindən, əmlak vəziyyətindən, qulluq mövqeyindən, əqidəsindən, siyasi partiyalara, həmkarlar ittifaqlarına və digər ictimai birliklərə mənsubiyyətindən asılı olmayaraq, yüksək mənəvi və əxlaqi keyfiyyətlərə malik Azərbaycan Respublikasının 16 yaşına çatmış hər bir fəaliyyət qabiliyyətli vətəndaşı ictimai şuranın üzvü ola bilər.

Mərkəzi və yerli icra hakimiyyəti və yerli özünüidarəetmə orqanlarının işçiləri ictimai şuraya üzv ola bilməzlər. İctimai şuranın səlahiyyət müddəti iki ildir və üzvlərinin say həddi 9 nəfər müəyyənləşdirilmişdir.

Hər bir vətəndaş cəmiyyəti institutu ictimai şuranın üzvlüyünə yalnız bir namizəd irəli sürə bilər. Vətəndaş cəmiyyəti institutu müraciətinə ictimai şuranın üzvlüyünə irəli sürdüyü namizəd barədə aşağıdakı sənədləri əlavə etməlidir:

• şəxsiyyət vəsiqəsinin surətini;
• namizədin tərcümeyi-halını;
• namizəd hər hansı bir vətəndaş cəmiyyəti institutunun üzvü olduğu halda həmin üzvlüyü təsdiq edən sənədin surətini.

Qeyd: Tələb olunan sənədlərdən əlavə vətəndaş cəmiyyəti institutu tərəfindən namizəd barədə geniş məlumat verən digər sənədlər də təqdim edilə bilər.

İctimai şuraya namizədliyini irəli sürmək istəyən şəxsin qeydiyyatı məsələsinə seçki komissiyası tərəfindən üç iş günü müddətində baxılaraq müvafiq qərar qəbul ediləcəkdir.

“İctimai iştirakçılıq haqqında” Azərbaycan Respublikası Qanunun 6.1-ci maddəsinə uyğun olaraq, İctimai şuraya üzvlər namizədlərin irəli sürülməsi prosesi başa çatdıqdan sonra bir ay müddətində vətəndaş cəmiyyəti institutlarının bərabər sayda təmsilçilərindən ibarət birgə yığıncaqda vətəndaş cəmiyyəti institutlarının nümayəndələri tərəfindən seçiləcəkdir. Namizədliyi qeydə alınmış şəxslər namizədlərin irəli sürülməsi prosesi başa çatdıqdan sonra seçki gününə bir gün qalanadək, seçkiqabağı təşviqat məqsədi ilə təşviqat materialları yaya bilərlər.

İctimai şuraya seçkinin vaxtı və keçiriləcəyi yer barədə məlumat rayon İcra Hakimiyyətinin rəsmi internet səhifəsi (www.agcabedi-ih.gov.az) və digər kütləvi informasiya vasitələri ilə elan ediləcəkdir.

ELAN

Ağcabədi Rayon İcra Hakimiyyəti başçısının 07 iyun 2021-ci il tarixli, 97 nömrəli sərəncamı ilə “İctimai iştirakçılıq haqqında” Azərbaycan Respublikasının Qanununa əsasən yerli icra hakimiyyəti və yerli özünüidarəetmə orqanlarının fəaliyyətinə ictimai nəzarətin təşkilində vətəndaşların və vətəndaş cəmiyyəti institutlarının iştirakı, dövlət və yerli özünüidarəetmə orqanlarının ictimaiyyətlə məsləhətləşməsi və ictimai rəyin nəzərə alınması məqsədilə rayon İcra Hakimiyyəti yanında İctimai Şuraya seçkinin təşkili üçün yerli icra hakimiyyəti və yerli özünüidarəetmə orqanlarının əməkdaşlarından 4 üzv, vətəndaş cəmiyyəti institutu nümayəndələrindən 5 üzv olmaqla 9 nəfərdən ibarət seçki komissiyası yaradılmışdır.

Seçki Komissiyası “İctimai iştirakçılıq haqqında” Azərbaycan Respublikası Qanununun 6.1-ci maddəsinə əsasən hazırlanmış və Azərbaycan Respublikası Nazirlər Kabinetinin 30.05.2014-cü il tarixli 171 nömrəli Qərarı ilə təsdiq edilmiş “İctimai şuranın vətəndaş cəmiyyəti institutları tərəfindən seçilməsinə dair Əsasnamə”yə uyğun olaraq İctimai Şuraya keçiriləcək seçkiyə namizədlərin qəbuluna başlayır.

Namizədlərin irəli sürülməsi və qeydiyyatı üçün nəzərdə tutulan müddət iyirmi iş günü olmaqla 2021-ci ilin iyun ayının 8-dən 28-dək müəyyən edilmişdir.

İrqindən, etnik mənsubiyyətindən, dinindən, dilindən, cinsindən, mənşəyindən, əmlak vəziyyətindən, qulluq mövqeyindən, əqidəsindən, siyasi partiyalara, həmkarlar ittifaqlarına və digər ictimai birliklərə mənsubiyyətindən asılı olmayaraq, yüksək mənəvi və əxlaqi keyfiyyətlərə, mərkəzi icra hakimiyyəti orqanı yanında yaradılan ictimai şuralara münasibətdə isə müvafiq sahə üzrə təcrübəyə və ya biliyə malik Azərbaycan Respublikasının 16 yaşına çatmış hər bir fəaliyyət qabiliyyətli vətəndaşı ictimai şuranın üzvü ola bilər.

Mərkəzi və yerli icra hakimiyyəti və yerli özünüidarəetmə orqanlarının işçiləri həmin orqanlarda yaradılan ictimai şuraya üzv ola bilməzlər. İctimai şuranın səlahiyyət müddəti iki ildir və üzvlərinin say həddi 15 nəfər müəyyənləşdirilmişdir.

Hər bir vətəndaş cəmiyyəti institutu ictimai şuranın üzvlüyünə yalnız bir namizəd irəli sürə bilər. Vətəndaş cəmiyyəti institutu müraciətinə ictimai şuranın üzvlüyünə irəli sürdüyü namizəd barədə aşağıdakı sənədləri əlavə etməlidir:

• şəxsiyyət vəsiqəsinin surətini;
• namizədin tərcümeyi-halını;
• namizəd hər hansı bir vətəndaş cəmiyyəti institutunun üzvü olduğu halda həmin üzvlüyü təsdiq edən sənədin surətini.
• mərkəzi icra hakimiyyəti orqanı yanında yaradılan ictimai şuralara namizədlərə münasibətdə şəxsin müvafiq sahə üzrə təcrübəyə və ya biliyə malik olmasını sübut edən sənəd (olduğu halda əmək kitabçasının surəti, əmək kitabçası olmadıqda isə məlumatı təsdiqləyəcək digər sənədlər).

Qeyd: Tələb olunan sənədlərdən əlavə vətəndaş cəmiyyəti institutu tərəfindən namizəd barədə geniş məlumat verən digər sənədlər də təqdim edilə bilər.

İctimai şuraya namizədliyini irəli sürmək istəyən şəxsin qeydiyyatı məsələsinə seçki komissiyası tərəfindən üç iş günü müddətində baxılaraq müvafiq qərar qəbul ediləcəkdir.

“İctimai iştirakçılaq haqqında” Azərbaycan Respublikası Qanunun 6.1-ci maddəsinə uyğun olaraq, İctimai şuraya üzvlər namizədlərin irəli sürülməsi prosesi başa çatdıqdan sonra bir ay müddətində vətəndaş cəmiyyəti institutlarının bərabər sayda təmsilçilərindən ibarət birgə yığıncaqda vətəndaş cəmiyyəti institutlarının nümayəndələri tərəfindən seçiləcəkdir. Namizədliyi qeydə alınmış şəxslər namizədlərin irəli sürülməsi prosesi başa çatdıqdan sonra seçki gününə bir gün qalanadək, seçkiqabağı təşviqat məqsədi ilə təşviqat materialları yaya bilərlər.

İctimai şuraya seçkinin vaxtı və keçiriləcəyi yer barədə məlumat rayon İcra Hakimiyyətinin rəsmi internet səhifəsi (www.agcabedi-ih.gov.az) və digər kütləvi informasiya vasitələri ilə elan ediləcəkdir.