Ağcabədi Rayon İcra Hakimiyyəti yanında İctimai Şuranın ilk iclası keçirildi

16 sentyabr 2021-ci il tarixdə Ağcabədi Rayon İcra Hakimiyyəti yanında İctimai Şuranın üzvləri ilk iclaslarını keçirdilər. İclasda üzvlər  səsvermə yolu ilə  İctimai Şuraya  sədr, sədr müavini və  katib seçiblər. Beləliklə, yeni yaradılan İctimai Şuraya   respublikanın fərqli bölgələrində müxtəlif vəzifələrdə,həmçinin uzun müddət  Azərbaycan Respublikasının  Maliyyə Nazirliyinin  Ağcabədi rayonu üzrə  Nəzarətçi –müfəttişi vəzifəsində çalışmış Qarayev Vaqif  Baba oğlu sədr;

Ağcabədi rayon Ağsaqqallar Şurasının sədr müavini, uzun müddət Ağcabədi Rayon İcra Hakimiyyətində çalışmış Əsədov Tariyel  Məmməd oğlu sədr müavini ;

“Dünya” Ana və Uşaqlar İctimai Birliyinin Ağcabədi Regional bölməsinin sədri Quliyeva Sevinc Şahverən qızı  katib seçilmişdir.

Daha sonra, qarşıda duran məsələlər müzakirə olunmuşdur. Üzvlərə  İctimai iştirakçılıq haqqında məlumat verilmişdir.

Qeyd edək ki, 21 avqust  2021-ci il tarixdə YAP Ağcabədi rayon təşkilatının iclas zalında İctimai Şuranın Seçki Komissiyasının müşahidəsi ilə  Ağcabədi Rayon İcra Hakimiyyəti yanında İctimai Şuraya seçkilər keçirilib.

Seçkinin yekunlarına əsasən, 22 nəfər namizəddən, birgə yığıncaqda iştirak edənlərin yarıdan çoxunun səsini toplayan  15 nəfər İctimai Şuranın tərkibini formalaşdırıb.