“Gənclik narkomaniyaya yox deyir!” layihəsi çərçivəsində növbəti təlim Ağcabədi Pedaqoji Kollecində keçirilib

09 aprel 2022-ci il tarixdə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə, Ağcabədi Rayon Gənclər və İdman İdarəsinin təşkilati dəstəyi ilə "Yaradıcı Gənclərə Dəstək" İctimai Birliyi “Gənclik narkomaniyaya yox deyir!” layihəsi çərçivəsində Ağcabədi Pedaqoji Kollecində 30 nəfər gəncin iştirakı ilə təlim kursu keçirilmişdir.
    Ağcabədi Rayon Gənclər və İdman İdarəsinin rəis müavini Eldəniz Qənbərov tədbiri giriş sözü ilə açaraq layihə iştirkaçılarını və qonaqları salamladı. Layihənin əhəmiyyəti və məqsədi haqqında məlumat verərək bildirdi ki, narkotik vasitələrə aludəçilik cinayətkarlıq, zorakılıq eləcədə digər mənfi halların yaranmasına zəmin yaradır və bu səbəbdən də Azərbaycanda narkomaniyaya qarşı mübarizə dövlət siyasətinin əsas məsələlərindən biri hesab olunmaqdadır.   
   Daha sonra layihə barədə ətraflı məlumat vermək üçün söz təlimçi Rasif Qaçayevə verilmişdir. Rasif müəllim “Gənclik narkomaniyaya yox deyir!” layihəsi çərçivəsində gənclərin maariflənməsi məqsədilə mövzu haqqında gənclərlə ətraflı söhbətlər aparmış və xüsusi olaraq vurğulamışdır ki, narkomaniya insanın şüurlu olaraq özü-özünü ölümə məhkum etməsidir. Narkomaniya insanın daxili orqanlarının yavaş-yavaş itirilməsi deməkdir. Narkomaniya şəkərli diabet, hepatit və ən nəhayət, QİÇS kimi təhlükəli bir xəstəliyin yaranması deməkdir. Bütün bunlarla yanaşı, narkomaniya bu bəlaya düçar olan insanların yaxınları, ətrafındakıları ilə problemlərinin yaranması, psixoloji sarsıntılar keçirərək ətrafında olan insanlara zərər verməsi deməkdir.
    Təlimin yekununda gəncləri maraqlandıran suallar cavablandırılmış, onlara narkomaniyaya aid hazırlanmış üzərində Agentliyin və İctimai Birliyin loqosunu əks etdirən bukletlər, qeyd kitabçaları, qələmlər və qovluqlar paylanılmış həmçinin layihədə iştiraklarına dair sertifikatlar təqdim olunmuşdur.