“Şahin“ hərbi-idman oyununun Ağcabədi rayon birinciliyi keçirilmişdir.

18 aprel 2023-ci il tarixdə Ağcabədi Olimpiya İdman Kompleksində gənclərin  vətənpərvərlik  tərbiyəsində  müstəsna  əhəmiyyəti olan “Şahin“ hərbi-idman oyununun rayon  birinciliyi  keçirilmişdir.

    Rayon birinciliyinin açılış mərasimində Ağcabədi Rayon İcra  Hakimiyyətinin Başçısının müavini - İctimai-siyasi və humanitar məsələlər şöbəsinin müdiri Vüsalə Məmmədova, Ağcabədi Rayon Gənclər və İdman İdarəsinin rəisi Rüfət Quliyev,  Səfərbərlik və Hərbi Xidmətə Çağırış üzrə Dövlət Xidmətinin Ağcabədi rayon şöbəsində baş məsul icraçı Rüstəm Xudiyev, Qarabağ Regional Təhsil İdarəsinin Ağcabədi rayonu üzrə təhsil sektorunun əməkdaşı Baxşeyiş Məmmədov və digər  məhsul  şəxslər  iştirak  etmişdir.

    Tədbirdə Ulu öndərimiz Heydər Əliyevin və Vətənimizin azadlığı uğrunda canından keçən şəhidlərimizin əziz xatirəsi bir dəqiqəlik sükutla yad olunmuş, Azərbaycan Respublikasının Dövlət Himni səsləndirilmişdir.

    Rayon birinciliyinin açılış mərasimində çıxış edən Ağcabədi Rayon İcra  Hakimiyyətinin Başçısının müavini Vüsalə Məmmədova “Şahin” hərbi-idman oyunlarının yeniyetmə və gənclərin hərbi vətənpərvərlik tərbiyəsi işinin gücləndirilməsində, məktəblilərin hərbi xidmətə hazırlıq səviyyəsinin yüksəldilməsində əhəmiyyəti və xüsusi rolu olduğunu qeyd etmişdir.

   Yarış 7 mərhələ üzrə oyunun əsasnaməsinə uyğun olaraq keçirilmişdir. Yarışlara “Sıra hazırlığı” mərhələsi ilə start verilmişdir.

   Gərgin və maraqlı idman mübarizəsi şəraitində keçən rayon  birinciliyində  40  tam orta məktəbin komandası  iştirak  etmişdir. Yekun nəticələrə əsasən Səməd Vurğun adına şəhər 4 saylı tam  orta məktəbin  komandası I yerə, Şirin Hüseynov adına şəhər 2 saylı tam orta  məktəbin  komandası II yerə, Mirzə Fətəli Axundov adına şəhər 3 saylı məktəb-liseyin komandası isə III yerə  layiq  görülmüşdür. “Şahin“ hərbi - idman  oyununun  rayon  birinciliyində müvafiq olaraq I, II və III yerləri tutmuş komandalara Ağcabədi Rayon Gənclər və İdman İdarəsi tərəfindən diplomlar təqdim olunmuşdur.

    Qeyd etmək istərdik ki, 1-ci yerə laiq görülmüş Səməd Vurğun adına şəhər 4 saylı tam  orta məktəbin  komandası 27 aprel 2023-cü il tarixlərdə Qarabağ iqtisadi zonası üzrə Tərtər şəhərində keçiriləcək “Şahin“ hərbi-idman  oyununun zona birinciliyində Ağcabədi rayonunu təmsil edəcəkdir.