Gələbədin kəndində Ağcabədi Rayon İcra Hakimiyyətinin başçısı Rafil Hüseynovun səyyar qəbul-görüşü keçirilmişdir.
12 fevral 2025 | 19:09
Ağcabədi Rayon İcra Hakimiyyətinin başçısı Rafil Hüseynovun qrafik əsasında növbəti səyyar qəbul-görüşü fevralın 12-də Gələbədin kəndində keçirilib.
Hüquq mühafizə orqanlarının rəhbərləri, rayon icra hakimiyyəti başçısının müavinləri, aparatın məsul şəxsləri, digər aidiyyəti idarə, müəssisə və təşkilat rəhbərlərinin də iştirak etdiyi görüşdə öncə icra başçısı Rafil Hüseynov çıxış edib.
Sonra söz alan kənd sakini Mərəhim Həsənov kənd təsərrüfatı məhsullarının istehsalı məqsədilə əkin üçün bələdiyyədən torpaq sahəsinin ayrılmasına koməklik göstərilməsini xahiş edib. Məsələ ilə bağlı vətəndaşa müvafiq izahat verilib və bələdiyyə sədri seçkisindən sonra aidiyyəti üzrə müraciət etməsi tövsiyə olunub.
Digər kənd sakini Şahin Məmmədov isə müraciətində kənd ərazisində 23 fərdi yaşayış evinin işıqlanmasının zəif olduğunu və transformator çox yükləndiyindən tez-tez işıqların söndüyünü bildirərək əlavə işıqlanma transformatorına ehtiyacın olduğunu bildirib. Məsələnin yerində araşdırılması və problemin həlli ilə bağlı rayon rəhbəri tərəfindən Ağcabədi Elektrik Şəbəkəsinə tapşırıq verilib. Şəbəkənin rəisi Firdovsi Qasımov isə bildirib ki, əraziyə yeni işıqlandırma transformatoru qoyulacaqdır.
Qəbul iştirakçıları Qurban Musazadə, Yavər Quliyev, Vüqar Hətəmov və Şakir Aslanov isə müraciətlərində əkin sahələrinin suvarılmasında yaşanan müxtəlif çətinlikləri diqqətə çatdıraraq köməklik göstərilməsini xahiş ediblər. Hər bir problemə ayrılıqda münasibət bildirilib, həmçinin aidiyyəti üzrə tapşırıq və tövsiyələr verilib
Keçidlər
