Əkin sahələrinin vaxtında suvarılması başlıca məqsəddir
Ağcabədi rayon Suvarma Sistemləri İdarəsinin ümumilikdə əsas fəaliyyəti idarənin balansında olan 2261 km suvarma kanalı, 2549 km kollektor drenaj şəbəkəsi, 4445 ədəd hidrotexniki qurğu, 53 ədəd elektrik nasos stansiyası, 1026 ədəd subartezian quyusu, 8 ədəd SNP markalı səyyar nasoslar, 2 ədəd üzən nasos, 3 ədəd inzibati və 16 ədəd yaşayış binasının istismarı və təmiri ilə məşğul olmaqla 63 min hektar əkin sahələrini suvarma suyu ilə təmin etməkdən ibarətdir. Belə ki, yararlı torpaq sahələri dövlət, bələdiyyə, pay və meşə fondlarında cəmləşib. Sadalanan torpaqların əkin sahələri isə suvarılandır.
Rayonda suvarılma məqsədi ilə dörd su mənbəyindən istifadə olunur. Mənbələrdən götürülən suvarma suyu öz axını, elektrik enerjisi ilə işləyən nasos stansiyalarından, subartezian quyularından və maye yanacaqla işləyən SNP və üzən gəmilərdə olan aqreqatların gücündən istifadə olunmaqla istifadə olunur. Yerlərdə sahibkarların, fermerlərin, payçıların istifadəsində olan əkin sahələrinin suvarılması, tərtib edilmiş gündəlik qrafikə uyğun olaraq inzibati ərazi vahidləri üzrə fəaliyyət göstərən 17 Sudan istifaəedənlər Birlikləri vasitəsi ilə həyata keçirilir.
Ağcabədi rayon Suvarma Sistemləri İdarəsi tərəfindən bildirilb ki, 2022-ci il ərzində 63 min hektar əkin sahələrində əkilmiş kənd təsərrüfatı bitkiləri növbəlik əsasında suvarılıb. O, cümlədən nasoslarla 13 min hektar, öz axımı ilə 23 min 291 hektar, 26 min 709 hektar əkin sahəsi isə subartezian quyuları vasitəsi ilə suvarılıb.
Belə ki, 2022-ci il ərzində 63 min hektar əkin sahələrində əkilmiş kənd təsərrüfatı bitkiləri 4,0-4.5 dəfə, 2023-cü ilin yanvar-aprel aylarında isə əkilmiş kənd təsərrüfatı bitkiləri ümumilikdə 1,0-1,5 dəfə Ağcabədi rayon SSİ-i tərəfindən suvarma suyu ilə təmin olunub. O cümlədən, 2022-ci ildə 11 min 838,58 hektar pambıq sahəsi səpsuvar və 4,4 dəfə vegetasiya suyu ilə təmin olunub, Bundan əlavə 19 min 11 hektar yazlıq taxıl sahəsi 3,3 dəfə suvarılıb və biçilərək götürülüb, 23 min 493 hektar yem bitkiləri 12 dəfə, 1419 hektar bostan-tərəvəz 10,8 dəfə, 2991 hektar çoxilliklər 4,1 dəfə, 4248 ha həyətyanı sahə isə 12 dəfə suvarma suyu ilə təmin edilib. Eyni zamanda 2023-cü ildə payızlıq 24 min 884 hektar taxıl sahəsi, 17 min 848 hektar yem bitkiləri 3 dəfə, 1309 ha bostan-tərəvəz 1,5 dəfə, 2981 hektar çoxilliklər 1 dəfə, 4248 hektar həyətyanı sahə isə 1,5 dəfə suvarma suyu ilə təmin olunub. Cari ildə 11 min 400 hektardan artıq sahədə əkilmiş pambıq bitkilərinin suvarılma suyu ilə təminatı bütün imkanlardan səmərəli istifadə etməklə bir vəzifə olaraq qarşıya məqsəd qoyulub.
Mövsümi hazırlıqla əlaqədar olaraq 2022-2023-cü illərdə Ağcabədi Rayon Suvarma Sistemləri İdarəsinin balansında olan su təsərrüfatı obyektlərinin təmiri, genişləndirilməsi və bərpası həyata keçirilib. Belə ki, 394 km suvarma kanalları, 296,0 km kollektor drenaj şəbəkəsi lildən təmizlənib, 535 ədəd subartezian quyusu cari təmir edilib. O cümlədən, 2023-cü ildə 72,01 km suvarma kanalları, 39,42 km kollektor drenaj şəbəkəsi lildən təmizlənib, 159 ədəd subartezian quyusu cari təmir edilib.
Həmçinin 2022-ci ilin müvafiq dövründə sözügedən qurum tərəfindən Salmanbəyli – 9 nasos stansiyasında 1 ədəd elektrik mühərriki, Xocavənd – 1 nasos stansiyasında 1 ədəd elektrik mühərriki təmir olunub və idarənin balansında olan 79 ədəd subartezian quyusunun dərinlik nasosu dəyişdirilərək yenisi ilə əvəz olunub. Eyni zamanda Hüsülü – 4 tərpənməz nasos stansiyasının təzyiqli boru xəttinin 4,6 km hissəsinin 2,0 km hissəsində əsaslı təmir işləri aparılaraq, sakinlərin istifadəsinə verilib. Rayonun Qaradolaq və Avşar kəndlərində 2 ədəd nasos stansiyanın elektrik avadanlıqları əsaslı şəkildə təmir edilib.
2023-cü ildə isə Aqropark – 850 nasos stansiyası və Xocavənd -1 nasos stansiyasının hərəsində 1 ədəd elektrik mühərriki təmir olunub və 20 ədəd subartezian quyusunun dərinlik nasosu dəyişdirilərək yenisi ilə əvəz olunub.
2022-ci ilin əsaslı təmir planına əsasən cari ildə batmış 15 ədəd subartezian quyusu əsaslı təmir olunub, 2023-cü ilin əsaslı təmir planına əsasən batmış 25 ədəd subartezian quyusunun əsaslı təmiri nəzərdə tutulub.
Qurumun kollektivi cari təsərrüfat ilində də mövcud imkanlardan səmərəli şəkildə və qənaətlə istifadə etməklə yüksək məhsuldarlığın əldə edilməsi üçün əkin sahələrinin vaxtında suvarılmasını qarşıya məqsəd qoyub.
