Dəmiryol zolağındakı qanunsuz tikililərlə bağlı iclas keçirilib

Bu günlərdə Ağcabədi Rayon İcra Hakimiyyətində Vətəgə- Ağcabədi dəmir yolunun mühafizə zolağında aparılmış qanunsuz tikinti işləri və digər müdaxilələrin araşdırılması üçün yaradılmış rayon komissiyasının iclası keçirilib.

İclasda yaradılmış komissiyanın üzvləri iştirak ediblər.

İclasda komissiyanın sədri Ağcabədi Rayon İcra Hakimiyyəti başçısının I müavini Xətai Zeynalov çıxış edərək, dəmir yolları üzərində müvafiq normaların pozulması hallarının müşahidə olunduğundan, dəmir yolunun mühafizə zolağında qanunsuz tikinti işlərinin aparılmasından və nəticədə xoşagəlməz halların yaşanmasından söz açıb. X. Zeynalov qeyd edib ki, bu kimi xoşagəlməz halların qarşısının alınması istiqamətində hüquq-mühafizə orqanları tərəfindən qanunamüvafiq tədbirlər  görülür.

Yekunda “Azərbaycan  Dəmir  Yolları”  Qapalı  Səhmdar   Cəmiyyətinin balansında  olan  Vətəgə-Ağcabədi  dəmir  yolu xəttinin  rayonun inzibati ərazisindən  keçən hissələrində dəmir  yolunun  mühafizə  zolağında  aparılmış qanunsuz tikinti  işləri  və  digər  müdaxilələrin  araşdırılması üçün yaradılmış  rayon komissiyasının iclasında məsələ ilə bağlı qeyd edilənlər nəzərə alınmaqla komissiya tərəfindən yerlərdə mütəxəssislərin iştirakı təmin edilməklə dəmir yolunun rayonun inzibati ərazisindən keçən hissəsində qanunsuz inşa edilmiş  tikinti obyektlərinə baxış keçirilməsi və nəticəsi barədə  akt tərtib edilməklə müvafiq sənədləşdirilmə işlərinin aparılması barədə qərar komissiya üzvləri tərəfindən qəbul edilmişdir.