Ağcabədidə Kənd Təsərrüfatı İşçiləri Günü qeyd olundu
01 noyabr 2024 | 18:08
Ağcabədidə kənd təsərrüfatı işçilərinin peşə bayramına həsr olunmuş toplantı keçirilib. Rayonun kənd təsərrüfatı işçiləri Ağcabədi şəhərinin mərkəzi meydanına gələrək ümummilli lider Heydər Əliyevin abidəsi önünə çiçək dəstələri düzüb, onun əziz xatirəsini ehtiramla yad ediblər.
Burada keçirilən tədbirdə çıxış edən Ağcabədi Rayon İcra Hakimiyyətinin başçısı Rafil Hüseynov iştirakçıları peşə bayramları münasibəti ilə təbirk edib. Sonra bir qrup kənd təsərrüfatı işçilərinə rayon icra hakimiyyətinin Fəxri fərmanları təqdim olunub.
Daha sonra Ağcabədi Dövlət Aqrar İnkişaf Mərkəzinin direktoru Abbas Süleymanov çıxış edib. O, kənd təsərrüfatı işçilərinə göstərdiyi diqqətə görə rayon rəhbərinə minnətdarlığını bildirib.
Qeyd edək ki, Azərbaycan Respublikasının Prezidenti İlham Əliyevin 9 oktyabr 2008-ci il tarixli Fərmanı ilə hər il noyabrın 1-i ölkəmizdə Kənd Təsərrüfatı İşçiləri Günü kimi qeyd olunur.
Keçidlər
