Ağcabədidə İlaxır çərşənbə münasibətilə ümumrayon Novruz tədbiri keçiriləcək.

16 mart 2026 | 17:59

17 mart 2026-cı il tarixdə – İlaxır çərşənbə günü münasibətilə Ağcabədi şəhərində Novruz bayramına həsr olunmuş ümumrayon tədbiri keçiriləcəkdir.

Hər zamankından daha fərqli təşkil olunacaq tədbirdə zurna-davul ifaçıları, kosa-keçəl və kəndirbazların iştirakı nəzərdə tutulur. Bu maraqlı çıxışlar xalqımızın qədim milli adət-ənənələrini əks etdirərək tədbirə xüsusi rəng qatacaqdır.

Tədbir çərçivəsində musiqili proqram təqdim olunacaq, tanınmış və yerli ifaçıların çıxışları bayram əhval-ruhiyyəsini daha da yüksəldəcəkdir.

Bayram tədbiri saat 10:00-da Ağcabədi şəhərində yerləşən Heydər Əliyev Meydanında (Rayon İcra Hakimiyyətinin qarşısında) təşkil olunacaqdır.

Rayon sakinləri və qonaqlar bayram tədbirində iştirak etməyə dəvət olunurlar.

Keçidlər