Ağcabədidə “Heydər Əliyev dühası işığında” adlı tədbir keçirildi.

Ağcabədidə “Heydər Əliyev dühası işığında” adlı tədbir keçirildi 04 may 2023-cü il tarixində Ağcabədi rayon Heydər Əliyev Mərkəzi tərəfindən Y.Məmmədov adına Mədəniyyət Mərkəzində “Heydər Əliyev İli” çərçivəsində tədbir təşkil edildi. İlk öncə qonaqlar dahi liderin anadan olmasının 100 illiyinə həsr olunmuş Mərkəzin əsas fondunda saxlanılan eksponatlardan, kurs üzvlərinin əl işlərindən, həmçinin Heydər Əliyevin Ağcabədiyə səfərlərində çəkilmiş fotolardan ibarət sərgi ilə yaxından tanış oldular. Ağcabədi Regional Mədəniyyət İdarəsinin, Qarabağ Regional Təhsil İdarəsi Ağcabədi rayon Təhsil sektorunun, Ağcabədi rayon MKS-nin, N saylı hərbi hissənin, Gənclər üçün Təhsil Mərkəzi Qarabağ Regional ofisinin, şəhər ümumtəhsil məktəblərinin nümayəndələrinin iştirakı ilə baş tutan tədbir Azərbaycan Dövlət Himninin səsləndirilməsi və ümummilli liderin, şəhidlərimizin əziz xatirəsinin 1 dəqiqəlik sükutla yad edilməsi ilə başlandı. Tədbiri giriş sözü ilə açan Aran Ağcabədi tv-nın aparıcısı Pərvin Şakirqızı, ilimizin möhtərəm prezidentimizin müvafiq sərəncamına əsasən “Heydər Əliyev İli” elan edilməsilə əlaqədar rayonumuzda, həmçinin Ağcabədi rayon Heydər Əliyev Mərkəzində keçirilən tədbirlərin əhəmiyyətindən ətraflı bəhs etdi. Daha sonra Ağcabədi Regional Mədəniyyət İdarəsinin rəisi Qalib Həsənov, Ağcabədi rayon Heydər Əliyev Mərkəzinin direktor vəzifəsini icra edən Rövşanə Əliyeva dahi liderin çoxşaxəli fəaliyyətindən ətraflı danışaraq qeyd etdilər ki, Heydər Əliyev fenomeni xalqımızın milli sərvətidir. Çoxəsrlik tariximizin ən böyük nailiyyətləri Heydər Əliyev siyasəti ilə bağlıdır. Ulu Öndərin Azərbaycan xalqı və dövləti qarşısındakı əvəzedilməz xidmətləri onun fəaliyyətinin bütün mərhələlərini əhatə edir. Ümummilli Liderin həm SSRİ dövründə, həm də müstəqillik illərində ölkəmizə rəhbərlik etdiyi dönəmdə görülən işlər respublikamızın qüdrətinin artmasına, Azərbaycanın tarixi nailiyyətlər qazanmasına xidmət edib. Xüsusilə də, müdrik dövlət xadiminin müstəqillik illərində Azərbaycana rəhbərlik etdiyi mərhələ sabitlik, tərəqqi dövrü kimi tarixə həkk olunub. Tədbirin bədii hissəsində Ağcabədi rayon Heydər Əliyev Mərkəzinin rəqs qrupunun hazırladıqları “Dəmir Yumruq” və “Azərbaycan” rəqsləri, Ağcabədi şəhər Uşaq musiqi məktəbinin “Aran” ansamblının müşaəti ilə elə həmin məktəbin səs müəlllimi İsa Məmmədovun “ Azərbaycan oğluyam” və 5-ci şagirdi Yasir Quliyevin “Azərbaycanım” mahnıları, Ü.Hacıbəyov adına Qarabağ Muğam Mərkəzinin səs müəllimi Əhəd Təhməzovun “Ala göz” mahnısı, Ü.Hacıbəyli adına Uşaq incəsənət məktəbinin ”Şən Azərbaycan” və “Qaval” rəqsləri, Ağcabədi şəhər Uşaq musiqi məktəbinin “Onu zaman seçib” şeir kompazisiyası, Hacıbədəlli kənd Uşaq musiqi məktəbinin xor kollektivinin “Ulu öndər” mahnısı və Hacıbədəlli kənd Uşaq musiqi məktəbinin yetirməsi olan Mirhəsən Həsənovun “İlhamla irəli” mahnısı tədbirə xoş ovqat qatdı. Tədbirin gedişatında Rövşanə Əliyeva tərəfindən Ulu öndərin anadan olmasının 100 illiyi ilə əlaqədar Mərkəzin həyata keçirdiyi tədbirlərdə fəal iştirakına görə elmi işçi Ruhin Hüseynov, bələdçi Səbinə Mamedova, Rəqs kursunun rəhbəri Vüsalə Zeynalova, Rəsm kursunun rəhbəri Aytac Abışova Fəxri Fərmanlarla təltif edildilər.