Ağcabədidə daha bir küçəyə asfalt çəkilib

Rayonun  küçə və prospektlərində  yollar qəzalı vəziyyətdə olduğundan həmin yerlərin asfaltlanmasına zərurət yaranmışdı. Buna görə də icra başçısının birbaşa tapşırığı ilə başlayan   asfaltlanma prosesi rayonun küçə və prospektlərində  mərhələli şəkildə davam etdirilir.

Bununla əlaqədar olaraq noyabrın 28-də rayon rəhbəri Rafil Hüseynov Tofiq İsmayılov küçəsinə yeni salınan, inşası davam etdirilən asfalt örtüyü ilə tanış olub, gedilən tikinti-təmir prosesini yaxından  izləyib.

Tofiq İsmayılov küçəsinə salınan asfalt döşəmə 1-ci dalan üzrə  400 kvadratmetr, 2-ci 1224 kvadratmetr, 3-cü 300 kvadratmetr, 4-cü 400 kvadratmetr, 5-ci 1050 kvadratmetr, 6-cı dalan üzrə  390 kvadratmetr olmaqla, ümumilikdə 3 min 764 kvadratmetr uzunluğu təşkil edir.

Asfalt çəkilməzdən əvvəl texnikaların  köməyi ilə yolun üst  qatındakı   daşlar  və çala yerləri təmizlənərək,  asfaltlanmağa hazır vəziyyətə gətirilib. 

Ərazidə  olan  rayon rəhbəri  Rafil Hüseynov asfaltın çəkilişini yerinə yetirən icraçı şəxslərə öz tapşırıqlarını  verib.

Qeyd edək ki, bölgəmizin sözügedən küçəsində və başqa ərazilərdə  asfaltın çəkilişini icraçı kimi tenderin qalibi olan “ Dream Construction Company” MMC şirkəti həyata keçirir.