Ağcabədidə “Birlikdə üzək” adlı üzgüçülük yarışı keçirilmişdir.
Gənclər və İdman Nazirliyinin təşəbbüsü Ağcabədi Rayon Gənclər və İdman
İdarəsinin və Olimpiya İdman Kompleksinin birgə təşkilatçılığı ilə Ağcabədi Olimpiya
İdman Kompleksində 24-26 dekabr 2022-ci il tarixlərində “Birlikdə üzək” başlığı altında
üzgüçülük yarışı keçirilmişdir. Yarış eyni vaxtda ölkəmizin 30 idman kompleksində baş
tutub və canlı olaraq izlənilib. Hər bir iştirakçı 30 dəqiqə ərzində ən uzun məsafəyə
üzmək uğrunda mübarizə aparmışdır. 30 dəqiqə ərzində ən uzun məsafəyə üzən (hər
yaş qrupu üzrə ilk 3 nəfər) iştirakçılar qalib elan edilmiş və hədiyyə olaraq hovuzlara
abunəlik qazanmışdır.
Qeyd edək ki, yarışın əsas məqsədi su idmanı növlərinin daha geniş yayılması, inkişaf
etdirilməsi, kütləviliyin artırılması və sağlam həyat tərzinin təbliğidir.
