Ağcabədidə ağacəkmə kampaniyası davam etdirilir
Ağcabədi Rayon İcra Hakimiyyəti və YAP Ağcabədi rayon təşkilatının birgə təşkilatçılığı ilə martın 18-də “Heydər Əliyev İli” çərçivəsində ağacəkmə kampaniyası keçirilib.
“Aran” xəbər verir ki, ağacəkmə kampaniyasında icra başçısı Rafil Hüseynov, YAP Ağcabədi rayon təşkilatının sədri Rövşən Əhmədov, hüquq mühafizə orqanlarının rəhbərləri, idarə, müəssisə və təşkilatların kollektivləri və YAP fəalları iştirak ediblər.
Ağaclar Bəhrəmtəpə-Yevlax magistral yolun kənarında, rayonun Xocavənd kəndi ərazisində əvvəlcədən şumlanaraq əkin üçün hazırlanmış yerdə əkilmişdir.
Kampaniya çərçivəsində yerli şəraitə uyğunlaşdırılmış 100 ədəd eldar şamı, 100 ədəd tuya, 100 ədəd sərv və 500 ədəd göyrüş tingi olmaqla, cəmi 800 ağac əkilərək, aqrotexniki qaydada suvarılıb. Kampaniyada 400 nəfərdən artıq rayon sakini iştirak edib.
