Ağcabədidə 2022-ci ilin birinci yarsında əldə olunmuş nəticələrin təhlili və qarşıda duran vəzifələr mövzusunda dəyirmi masa keçirilmişdir.

21 iyul 2022-ci  il  tarixdə Ağcabədi Rayon Gənclər və İdman İdarəsinin və Ağcabədi Olimpiya İdman Kompleksinin birgə təşkilatçılığı ilə rayonda fəaliyyət göstərən ayrı-ayrı idman növləri ilə məşğul olan dərəcəli idmançıların, məşqçi-müəllimlərinin iştirakı ilə 2022-ci ilin birinci yarsında əldə olunmuş nəticələrin  təhlili və qarşıda duran vəzifələr mövzusunda  görüş  keçirilmişdir.

    Olimpiya İdman Kompleksinin akt zalında baş tutmuş dəyirmi masada  Ağcabədi Rayon  Gənclər  və  İdman  İdarəsinin  rəis  müavini  Eldəniz  Qənbərov  çıxış  edərək  qeyd  etdi  ki,  Ağcabədi rayonunda futbol, voleybol, şahmat, cüdo, boks, taekvondo, kikboksinq, karate-do, sərbəst güləş, alpaqut, bodibildinq, juboksinq-citsu, vale tudo, MMA idman növləri fəaliyyət göstərir.

        2022-ci ilin birinci yarsında rayon idmançıları dünya kubokunda, beynəlxalq yarışlarda, Azərbaycan çempionatı və birinciliklərində, eləcədə zona yarışlarda bir çox uğurlu nəticələr göstərmişdir. 2022-ci ilin birinci yarsında rayon idmançıları 103 medal əldə etmişdir ki, onlardan 44-ü birinci yer 33-ü ikinci yer 26-sı isə üçüncü yerdir.   Bütün bunlarla yanaşı Eldəniz Qənbərov çıxışında qeyd etdi ki, əldə  olmuş  nəticələrlə    yanaşı  yol   verilmiş  nöqsanlarımız da az deyildir.   Hesab  edirəm  ki,  bu  nöqsanların  aradan  qaldırılması  üçün  məşqçi –müəllimlər ciddi  tədbirlər  həyata  keçirilməlidir.

    Sonra Ağcabədi Olimpiya İdman Kompleksinin əməkdaşı Ramil Quliyev, sərbəst güləş idman növü üzrə məşqçi-müəllim Etibar Qəhramanov  çıxış  edərək  görülmüş  işlər,  yol  verilmiş  nöqsanlar və bu  nöqsanların  aradan  qaldırılması  ilə   bağlı  fikirlərini  bildirdilər.

     Daha sonra dəyirmi masa iştirakçıları arasında mövzu ətrafında çıxışlar dinlənildi, maraqlı fikir mübadilələri aparıldı.