Ağcabədi Rayon İcra Hakimiyyətinin başçısı Rafil Hüseynovun növbəti səyyar qəbul-görüşü Aşağı Avşar kəndində keçirilib
Ağcabədi Rayon İcra Hakimiyyətinin başçısı Rafil Hüseynovun yerlərdə sakinlərlə görüşləri davam etdirilir. Rayon rəhbəri iyulun 20-də Aşağı Avşar kəndində növbəti səyyar qəbul keçirilib. Səyyar qəbulda rayonun hüquq-mühafizə orqanlarının, əlaqədar idarə, müəssisə, təşkilatların rəhbərləri, yerli bələdiyyə və icra nümayəndələri, kənd sakinləri, media nümayəndələri iştirak edib.
Səyyar qəbul zamanı çıxış edən rayon rəhbəri Vətən müharibəsində xalqımızın və ordumuzun əldə etdiyi möhtəşəm qələbədən, hazırda Qarabağ bölgəsində həyata keçirilən tikinti-abadlıq işlərindən, azad olunmuş ərazilərə sakinlərin köçürülməsindən, habelə, Ağcabədi rayonunda kənd təsərrüfatı işlərinin gedişindən geniş söhbət açıb, sakinlərin təklif və müraciətlərinə münasibətini bildirib.
R.Hüseynov təsərrüfat, işıq, su problemləri ilə əlaqədar kənd sakinləri tərəfindən qaldırılmış məsələlərin həlli istiqamətində müvafiq təşkilatlara öz tapşırıq və tövsiyələrini verib. Bir sıra məsələlər yerində həllini tapıb.
