Ağcabədi Rayon İcra Hakimiyyətinin başçısı Rafil Hüseynov 8 Mart – Beynəlxalq Qadınlar günü münasibətilə rayonun ictimai – siyasi həyatında fəal olan bir qrup qadınlarla görüş keçirib
Rayon icra hakimiyyətinin iclas zalında keçirilən görüşdə çıxış edən R. Hüseynov tədbir iştirakçılarını bayram münasibətilə təbrik edib, onlara fəaliyyətlərində uğurlar, can sağlığı arzulayıb. İctimai həyat sahələrində, idarəetmədə qadınların aktivliyinin artmasından, bu istiqamətdə dövlətimiz tərəfindən aparılan siyasətdən söz açan icra başçısı Ağcabədidə də bir çox sahələrdə qadınların xüsusi fəallığını diqqətə çatdırıb.
Natiq həm ailədə, həm də cəmiyyətdə qadının üzərinə daha çox məsuliyyət düşdüyünü qeyd edərək vurğulayıb ki, ailə dəyərlərini qoruyub saxlayan, nəsildən-nəslə ötürən məhz qadındır. Övladın təlim-tərbiyəsində ananın təsiri daha böyükdür. Biz Vətən müharibəsində məhz Azərbaycan qadınının necə övladlar böyütdüyünün şahidi olduq.
Sonra çıxış edənlər göstərilən diqqətə görə icra başçısına minnətdarlıqlarını bildiriblər.
Yekunda rayonun ictimai-siyasi və mədəni həyatında fəallıq göstərən qadınlara rayon icra hakimiyyəti başçısının Fəxri fərmanı və hədiyyələr təqdim edilib.
