Ağcabədi rayonunda Ümummilli lider Heydər Əliyevin 90 illik yubileyi münasibəti ilə münasibəti ilə ümumrayon tədbiri keçirilmişdir.
09 may 2013- cü il tarixdə Ağcabədi rayonunda Ümummilli lider Heydər Əliyevin 90 illik yubileyi münasibəti ilə ümumrayon tədbiri keçirilmişdir.
Tədbirin birinci rəsmi hissəsi saat 19:30 –da Ağcabədi rayonu Heydər Əliyev meydanında rayon İcra Hakimiyyətinin qarşısında ucaldılmış Ulu Öndər Heydər Əliyevin möhtəşəm abidəsinin önündə gülqoyma mərasimi olmuşdur. Tədbir iştirakçıları gülqoyma mərasimi keçirməklə, Ümummilli Liderimiz Heydər Əliyevin əziz xatirəsinə ehtiramlarını bildirmişlər.
Tədbirdə Ağcabədi rayon İcra Hakimyyətinin Başçısı cənab Şahin Məmmədov, Laçın rayon İcra Hakimiyyətinin Başçısı Akif Səlimov, hüquq mühafizə orqanları,idarə və müəssisə rəhbərləri, ziyarətə gəlmiş rayon ictimaiyyəti – ziyalılar, ağsaqqallar, gənclər iştirak etmişdir.
Tədbirin ikinci bədii hissəsi Ağcabədi rayonu Heydər Əliyev meydanında saat 20:00 –da başlanmışdır. Əvvəlcə Ağcabədi rayon İcra Hakimyyətinin Başçısı Şahin Məmmədov və Laçın rayon İcra Hakimiyyətinin Başçısı Akif Səlimov gül sərgisi və əl işlərindən ibarət sərgi ilə taniş olmuşlar və fərqlənən sərgi iştirakçıları Ağcabədi rayon İcra Hakimyyətinin fəxri fərmanı və hədiyyəsi ilə təltif olunmuşdur.
Tədbirdə çıxış edən Ağcabədi rayon İcra Hakimyyətinin Başçısı cənab Şahin Məmmədov çıxış edərək , bu günki əziz gün münasibəti ilə Ağcabədi rayon sakinlərini təbrik etmiş və bildirmişdir ki, Ulu Öndər Heydər Əliyevin Azərbaycan xalqının tarixində,Azərbaycan xalqının qəlbində özünəməxsus yeri var. Azərbaycan dövlətçiliyinin başının üstünü qara buludlar alanda Ümummilli Lider Heydər Əliyev öz vətənin də, xalqının da dadına yetişdi və Azərbaycan dövlətini zirvələrdə heç zaman sönməyən parlaq günəşə çevirdi.
Bütün həyatını Azərbaycan xalqının xoşbəxt gələcəyinə həsr etmiş Heydər Əliyev şəxsi keyfiyyətləri ilə də yaddaşlarda silinməz iz qoymuşdur. Heydər Əliyev fenomenal yaddaşı, yüksək təşkilatçılıq bacarığı, tükənməz enerjisi və zəhmətsevərliyi, cəsarəti, qətiyyəti və polad iradəsi, eyni zamanda insanpərvərliyi və qayğıkeşliyi ilə müasiri olduğu insanların dərin rəğbətini və sevgisini qazanmışdır. Ümummilli Liderin bu xüsusiyyətləri 40 ildən çox bir dövrü əhatə edən konkret faktlarla və böyük səmimiyyətlə əks olunmuşdur. Eyni zamanda, Heydər Əliyevin insanlara istedadına, bacarığına görə qayğı göstərməsi, elm və sənət xadimlərindən tutmuş sadə zəhmət adamlarına qədər hamının əməyini layiqincə qiymətləndirməsi kimi yüksək keyfiyyətləri olan dahi şəxsiyyət idi.
Ağcabədi rayon İcra Hakimyyətinin Başçısı cənab Şahin Məmmədov çıxışının sonunda bir daha tədbir iştirakçılarını yenidən təbrik etmiş və qeyd etmişdir ki, Ulu Öndər Heydər Əliyevə qarşı olan xalq sevgisi zaman ötdükcə daha çox xalqın qəlbində böyüyür.və güclənir , xalq öz oğluna sonsuz sevgisini Onun siyasi varisi cənab Prezidentimiz İlham Əliyevə etimad göstərərək bildirmişdi və yanılmadıqlarını görmüşdülər. Nə qədər ki, bu xalq var Heydər Əliyev böyüklüyü yaşayacaq, nəsildən – nəsilə ötürülərək onun Azərbaycan dövlətçiliyinin möhkəmlənməsi üçün gördüyü işlər örnək göstəriləcəkdir. Bu gün də onun uğrulu siyasəti , Ulu Öndərin şərəfli həyat yolunun davamçısı çox hörmətli cənab Prezidentimiz İlham Əliyev tərəfindən uğurla davam etdirilir.
Daha sonra Ümummilli lider Heydər Əliyevin 90 illik yubileyinə həsr edilmiş idman, rəsm, bilik yarışması, inşa müsabiqəsi və.s qalibləri Rayon İcra Hakimiyyətinin fəxri fərmanı və hədiyyələri mükafatlandırılmışdır.
Tədbir rayon Mədəniyyət və Turizm şöbəsinin hazırladığı musiqili proqram ilə axşam saatlarına qədər davam etdirilmişdir.
Tədbir gecənin qaranlığında Ağcabədi səmalarını işıqlandıran yanan şarların və atəşfəşanlığın möhtəşəmliyi ilə başa çatmışdır.
Tədbirdə 8500 nəfər iştirak etmişdir.
