Ağcabədi rayonunda Xocalı soyqırımının 25 illiyi ilə əlaqədar silsilə tədbirlər davam edir.

Xocalı soyqırımının 25 illiyi ilə əlaqədar  YAP Ağcabədi rayon təşkilatının təşkilatçılığı ilə  fevral ayının 24-də  rayon ərazisində yerləşən hərbi hissələrdə tədbirlər keçirilmişdir.
   N saylı hərbi hissədə keçirilən tədbiri  YAP Ağcabədi rayon təşkilatının sədr müavini  Nazim Bünyatov açmış, Xocalı şəhidlərinin, Azərbaycanın müstəqilliyi və ərazi bütövlüyü  uğrunda şəhid olanların xatirəsi bir dəqiqəlik sükutla  yad edilmişdir.
   Tədbirdə I qrup Qarabağ  Müharibəsi əlili, Qarabağ Müharibəsi əlilləri,veteranları və Şəhid ailələri İctimai Birliyinin sədri İsmayıl Məhərrəmov,  Ağcabədi rayon Ağsaqqallar Şurasının sədri Əlizadə Nəcəfov,  N saylı hərbi hissənin əsgəri Taleh  Əlizadə, Heydər Əliyev Mərkəzinin direktoru, Azərbaycan Yazıçılar Birliyinin üzvü Məhsəti  Musa,  Azərbaycan Yazıçılar Birliyinin və “Ələk” ədəbi məclisinin üzvü Tahirə İsaqızı, Azərbaycan Yazıçılar Birliyinin üzvü,  şair  Yusif  Kamal,   Azərbaycan Yazıçılar Birliyinin üzvü, şair   Zahid Eloğlu  çıxış  etmiş və eyni zamanda Xocalıya həsr etmiş  şeirlərini  oxumuşlar.
   Tədbirdə Ağcabədi şəhər 5 saylı uşaq bağçasının  uşaqları ədəbi-bədii kompozisiya ilə və Hindarx qəsəbə sakini, keçmiş döyüşçü Xəyyam Həziyevin rəhbərlik etdiyi hərbi-idman klubunun üzvləri hazırladıqları hərbi-idman  və döyüş səhnələrini əks etdirən proqramla çıxış  etmişlər.
   Hərbi  hissənin şəxsi heyət üzrə komandir  müavini  kapitan  Fərid  Tahirov çıxış edərək keçirilən tədbirə görə qonaqlara öz təşəkkürünü bildirmişdir.
   Tədbirin sonunda Xocalı soyqırımına həsr olunmuş film nümayiş etdirilmişdir.