Ağcabədi rayonunda 26 Fevral – Xocalı faciəsinin 25 -ci ildönümünə həsr olunmuş “ Xocalı haraya çağırır bizi ! “ adlı yürüş və ümumrayon tədbiri keçirilmişdir.

26 fevral 2017 - ci il tarixdə saat 11:00 -da Ağcabədi rayonunda 26 Fevral – Xocalı faciəsinin 25 -ci ildönümünə həsr olunmuş ümumrayon tədbiri keçirilmişdir.
    Tədbir 2 hissədən ibarət olmuşdur. Tədbirin birinci hissəsində rayon İcra Hakimiyyətinin, Heydər Əliyev Mərkəzinin, YAP Ağcabədi rayon təşkilatının Gənclər Birliyinin, Qadınlar Şurasının və rayonun digər fəal gənclərinin təşkilatçılığı ilə 15000 nəfərdən çox rayon  sakininin iştirakı ilə “ Xocalı haraya çağırır Bizi ! adlı yürüş keçirilmişdir.
   Yürüş Heydər Əliyev Meydanından başlayaraq Şəhidlər Xiyabanını ziyarətlə başa çatmışdır. Yürüş iştirakçıları yol boyu “ Xocalı haraya çağırır bizi ! “, “ Biz hamımız Xocalılıyıq! “, “ Xocalı qanın yerdə qalmayacaq ! “, “ Xocalı soyqırımını unutma! “kimi şüarlar səsləndirmişlər.
   Daha sonra tədbir Şəhidlər Xiyabanında davam etmişdir. Əvvəlcə Şəhidlər Xiyabanında Ağcabədi rayonunun axundu Mərdan Rzayev şəhidlərin ruhuna dualar oxumuşdur.  Daha sonra rayonun tam orta məktəblərinin şagirdləri  ədəbi-bədii kompozisiya  ilə çıxış etdilər. Sonra Ağcabədi rayon İcra Hakimiyyətinin başçısı cənab Şahin Məmmədov, hüquq-mühafizə orqanlarının əməkdaşları, idarə,müəssisə rəhbərləri, kənd icra nümayəndələri, ziyalılar və rayon ictimayyəti Qarabağ müharibəsi şəhidlərinin məzarları üzərinə tər çiçək dəstələri düzmüşlər.