Gənclər təşkilatı Qarabağda uşaqlar üçün bayram şənliyi keçirdi

Gənclər üçün Təhsil Mərkəzinin (GTM) Qarabağ Regional ofisinin nəzdində fəaliyyət göstərən “İnklüziv Təhsil və Uşaq İnkişaf Mərkəzi”ndə Dünya Azərbaycanlılarının Həmrəyliyi Günü və Yeni il münasibətilə bayram tədbiri keçirilib.
Tədbirdə çıxış edən GTM-nin Qarabağ ofisinin rəhbəri Radə Telmanqızı  əsası ulu öndər Heydər Əliyev tərəfindən qoyulmuş Dünya Azərbaycanlılarının Həmrəylik Günü haqqında uşaq və yeniyetmələrə məlumat verərək, bu günün əhəmiyyətindən söhbət açıb Sağlamlıq imkanları məhdud olan uşaqlar üçün  həyata keçirilən bayram tədbirində Ağcabədi Rayon İcra Hakimiyyəti (ARİH)  ictimai-siyasi və humanitar şöbənin müdir müavini Təyyar Hacıyev,Yeni Azərbaycan Partiyası (YAP) Ağcabədi rayon təşkilatının  əməkdaşları  Ramil  Nağıyev , Mehman Novruzov , 2 saylı körpələr evi-uşaq baxçasının  direktoru Səadət Həsənova, ADPU Ağcabədi filialının və Ağcabədi Pedaqoji Kollecinin  müəllim və tələbə kollektivi   çıxış edərək, iştirakçıları əlamətdar bayramlar münasibətilə təbrik edib, onlara xoşbəxtlik və firavan həyat arzulayıblar.
Sonda  “İnklüziv Təhsil və Uşaq İnkişaf Mərkəzi”nin şagirdlərinin ifasında musiqi nömrələri və səhnəciklər iştirakçılara əsl bayram ovqatı bəxş edib.