Müstəqilliyimizin 25 illiyi ilə əlaqədar olaraq Hindarx qəsəbə Uşaq Musiqi Məktəbində sərgi təşkil edilib

      18 oktyabr – Dövlət Müstəqilliyi günü ilə əlaqədar Ağcabədi rayon Heydər Əliyev Mərkəzində təsdiq olunmuş tədbirlər planına uyğun olaraq silsilə tədbirlər həyata keçirilir. Bu tədbirlərin davamı olaraq 28 oktyabr 2016-cı il tarixində Hindarx qəsəbə Uşaq Musiqi Məktəbində “Müstəqilliyimiz əbədidir” adlı sərgi təşkil edilmişdir.
      Tədbiri giriş nitqi ilə açan Heydər Əliyev Mərkəzinin direktoru  Məhsəti Musa Azərbaycanın müstəqilliyinin əldə olunmasında Azərbaycan xalqının Ümummilli Lideri Heydər Əliyevin müstəsna rolunu qeyd edərək bildirmişdir ki,  çətinliklərlə əldə etdiyimiz müstəqilliyimiz daxili çəkişmələrin müdaxiləsi nəticəsində təhlükə ilə üz-üzə qalsa da Ulu Öndər Heydər Əliyevin  hakimiyyətə qayıdışı ilə bu təhlükə tamamilə sovuşdu. Azərbaycan artıq bu gün həm siyasi, həm də iqtisadi cəhətdən qüdrətli bir ölkəyə çevrilmiş, iqtisadi artım tempinə görə görə dünyada lider mövqeyə çatmışdır.
      Daha sonra tədbir Mərkəzdə fəaliyyət göstərən “Rəsm”, “Toxuculuq”, “Maraqlar üzrə əl işləri” və “Xalçaçılıq”, kurslarının üzvlərinin müstəqilliyimizə həsr olunmuş müxtəlif səpkili əl işlərinin və dövlət müstəqilliyimizdən bəhs edən kitabların sərgisi ilə davam etmişdir.
      Qeyd edək ki, böyük marağa səbəb olan sərgi 15 noyabr 2016-cı il tarixdə Boyat kənd Mədəniyyət Evində də təşkil ediləcəkdir.