Əlilliyi olan uşaqların cəmiyyətə inteqrasiyası bağlı tədbir keçirilmişdir

    “Gənclər üçün Təhsil Mərkəzi”nin  Qarabağ regional ofisi nəzdində fəaliyyət göstərən "İnklüziv Təhsil və Uşaq inkişaf Mərkəzi" əlilliyi olan uşaqların cəmiyyətə inteqrasiyası və  məktəbəqədər təhsil sisteminə dəstək məqsədilə Ağcabədi rayonunda “Uşaq Hüquqları Məktəbi” layihəsinin icrasına  başlayıb.
   Üç ay davam edəcək  layihənin əsas məqsədi əlilliyi olan uşaqların yüksək qayğı ilə əhatə olunması, əlverişli mənəvi və sosial mühitdə böyüməsi üçün zəruri şəraitin yaradılması, hərtərəfli şəxsiyyət və layiqli vətəndaş kimi formalaşmasıdır.
    Layihə çərçivəsində BMT tərəfindən  qəbul edilmiş Uşaq Hüquqları Konvensiyasına  uyğun olaraq onların inkişaf və müdafiə hüquqları təlimlərin əsas mövzu  bazasını təşkil edəcək. Bununla yanaşı  uşaqlar üçün vahid təhsil sisteminin  ilkin pilləsi olan məktəbəqədər tədris metodikası  tətbiq olunaraq , onların intellektual, fiziki və psixoloji inkişafına şərait yaradacaqdır.
    Mərkəzin Qarabağ regional ofisinin rəhbəri Radə Telmanqızı  bildirib ki , 193 ölkə tərəfindən radifikasiya edilmiş Uşaq Hüquqları Konvensiyasının müdafiə hüququnun əsas müddəası  olan əlilliyi olan  qaçqın uşaqlara xüsusi qayğının göstərilməsi  həyata keçirdiyimiz “Uşaq Hüquqları Məktəbi”nin əsas hədəf istiqamətidir. Həmçinin layihə çərçivəsində əməkdaşlıq edəcəyimiz dövlət qurumları ilə birgə  uşaqların iştirak hüquqlarının təmin edilməsi ,onların cəmiyyətə inteqrasiyası həyata keçiriləcək.