Samux Rayon Mədəniyyət və Turizm İdarəsinin şəbəkəsində fəaliyyət göstərən şəhər uşaq musiqi məktəbində təhsil alan istedadlı şagird və müəllimlərdən ibarət heyət "Dostluq görüşü" adlı layihə çərçivəsində Ağcabədi rayonunda səfərdə oldular.
Səfərdə iştirak etmiş şagird və müəllim heyəti ilk növbədə Rayon İcra Hakimiyyətinin qarşısında ucaldılmış Ulu Öndər Heydər Əliyevin heykəlinin önünə tər çiçəklər düzərək, Ulu Öndər Heydər Əliyevin əziz xatirəsini yad etdilər.Daha sonra Ağcabədi rayon İcra Hakimiyyətinin Başçısı Şahin Məmmədov qonaqlarla görüşərək ,onları salamlamış,uğurlar diləyərək qeyd etmişdir ki,mədəni-maarif sahəsi üzrə həyata keçirilmiş bu mübadilə görüşləri və konsert proqramları, eyni zamanda mədəni maarif müəssisələriylə tanışlıq ikitərəfli əməkdaşlığın bariz nümunəsi kimi əlaqələrin daha da inkişafına xidmət edəcək, qarşılıqlı səfərlərin artması və mədəniyyət sferasında ünsiyyətin genişlənməsi üçün şərait yaradacaqdır.
Daha sonra Üzeyir Hacıbəyli adına Qarabağ Muğam Mərkəzinin zalında tələbələr konsert proqramı ilə çıxış edərək, bır sıra məşhur bəstəkarların əsərlərini ifa etdilər. Konsert dinləyicilər tərəfindən böyük maraq və alqışlarla qarşılandı.
Tədbirdən sonra qonaqlar Gənclər Mərkəzi,Şahmat Məktəbi,Heydər Əliyev Mərkəzi və Heydər Parkında oldular.
