Ağcabədi rayonu Muğanlı kəndində Rayon İcra Hakimiyyətinin Başçısı Şahin Məmmədovun kənd sakinləri ilə səyyar qəbulu - görüşü olmuşdur.

03 aprel  2013  -cü il tarixdə  saat 17:00 –da  Ağcabədi rayonu Muğanlı kəndində  Rayon  İcra  Hakimiyyətinin Başçısı Şahin Məmmədovun  kənd  sakinləri ilə səyyar  qəbulu - görüşü  olmuşdur.
     Qəbulda Rayon İcra Hakimiyyəti Başçısının müavinləri , şöbə müdirləri , aparatın məsul işçiləri , xidmət təşkilatlarının rəhbərləri,kənd icra nümayəndəsi, bələdiyyə sədri  və üzvləri , kənd ictimaiyyətinin nümayəndələri,  ağsaqqallar,  torpaq mülkiyyətçiləri,  sahibkarları cəmi 371 nəfər iştirak etmişdir.
   Ağcabədi Rayon İcra Hakimiyyətinin Başçısı cənab Şahin Məmmədov  çıxış edərək  bildirmişdir ki, son illərdə Respublikamızda, eləcə də rayonumuzda Dövlət qayğısının nəticəsi olaraq əhalinin həyat şəraitinin yaxşılaşdırılması baxımından, problemlərinin aradan qaldırılması üçün xeyli işlər görülmüşdür. Rayon rəhbəri respublika Prezidenti cənab İlham Əliyevin rəhbərliyi ilə ölkəmizdə həyata keçirilən geniş quruculuq və abadlıq işlərində ətraflı danışmışdır.
   Rayon rəhbəri qeyd etmişdir ki, Azərbaycanda davamlı iqtisadi artım və yüksək sosial rifah, səmərəli dövlət idarəetməsi və qanunun aliliyi, insanların bütün hüquq və azadlıqlarının tam təmin olunması və vətəndaş cəmiyyətinin ölkənin ictimai həyatında fəal statusu ilə səciyyələnən inkişaf mərhələsinə nail olması bu gün dövlətimizin əsas inkişaf meyarlarını səciyyələndirən amillərdən biridir.
    Keçirilən səyyar  qəbul – görüş  zamanı kənd sakinləri tərəfindən  kənd ərazisində yeni uşaq bağçasının açılması, pay torpaqların suvarılması üçün subartezian quyusunun, içməli su artezianın qazılması,  qəzalı vəziyyətdə olan elektrik dirəklərinin və xəttlərinin təmir edilməsi, qaz xəttinin çəkilişinin tezləşdirilməsi və digər məsələlər  ilə bağlı problemlər qaldırılmış və rayon rəhbərindən köməklik göstərməsi  xahiş olunmuşdur.
    Kənd sakinlərinə problemlərin həlli ilə bağlı ətraflı izahat verilməklə, məsələlərin həlli üçün müvafiq  təşkilatlara aidiyyəti üzrə lazımi tapşırıq və göstərişlər  verilmişdir.