“Gənc Heydərçilər” arasında müsabiqə keçirilib

15 İyun - Milli Qurtuluş günü münasibətilə  Ağcabədi rayon Heydər Əliyev Mərkəzində silsilə tədbirlər keçirilməkdədir. Tədbirlər planına uyğun olaraq 13 iyun 2016-cı il tarixdə Heydər Əliyev Mərkəzi və Gənclər və İdman İdarəsinin birgə yaratdığı “Heydər Əliyev siyasi irsinin öyrənilməsi və təbliği” qrupu ümumtəhsil məktəblərinin Gənc Heydərçiləri arasında müsabiqə təşkil edib. Heydər Əliyev Mərkəzində baş tutan müsabiqədə hər bir komandaya  30 test sualı təqdim olunmuşdu. Qeyd edək ki, tədris ili müddətində “Heydər Əliyev siyasi irsinin öyrənilməsi və təbliği qrupu” tərəfindən hazırlanmış proqram və təqdim olunmuş mühazirələr əsasında həftədə bir dəfə olmaqla şəhər məktəblərindəki Gənc Heydərçilər qruplarına siyasi dərslər keçirilimişdir. Müsabiqə iştirakçılarına  təqdim olunmuş  test sualları həmin mühazirələr əsasında tərtib edilmişdir.
Tədbirdə Gənclər və İdman İdarəsi ilə yanaşı YAP Ağcabədi rayon təşkilatının nümayəndələri də iştirak ediblər.
Bir saat müddətində test suallarını cavablandıran komandalar arasında ilk yeri  Ağcabədi şəhər 1 saylı tam orta məktəbin “Gənc Heydərçilər” Komandası qazandı.  İkinci yerə S.Vurğun adına şəhər 4  saylı tam orta məktəbin, üçüncü yerə isə şəhər 9 saylı tam ota məktəbin  “Gənc Heydərçilər” Komadaları layiq görüldü.