Ağcabədi şəhər 1 saylı tam orta məktəbin şagirdləri Həmidə Xanım Cavanşir-Məmmədquluzadənin ev muzeyində ekskursiyada olublar
Şagirdlərin asudə vaxtlarını səmərəli geçirmək, vətən tarixini ,ədəbiyyatını dərindən öyrənmək məqsədi ilə Ağcabədi şəhər 1 saylı tam orta məktəbin VIII sinif şagirdləri 11 iyun tarixində Kəhrizli kəndində yerləşən Həmidə Xanım Cavanşir-Məmmədquluzadənin ev muzeyində ekskursiyada olublar.İlk olaraq şagirdlər Həmidə xanımın büstü önünə tər güllər düzüb,ruhu qarşısında baş əyiblər.Məktəbin direktoru Səadət Kazımova Həmidə xanım haqqında şagirdlərə qısa məlumat verib.Sonra şagirdlər Həmidə xanımın ev muzeyi ilə tanış olublar.Muzeyin işçisi Zeynəb xanım muzeydə sərgilənən əşyalar haqqında şagirdlərə ətraflı məlumat verib və şagirdləri maraqlandıran sualları cavablandırıb.Məktəbin tarix muzeyindən Həmidə xanımın ev muzeyinə XIX əsr istehsalı çini qab hədiyyə olunub. Sonda Səadət müəllim muzeyin rəy kitabına öz ürək sözlərin yazaraq bu gözəl şəraiti yaratdığı üçün muzey rəhbərliyinə öz təşəkkürünü bildirib.
