Talışda qəhrəmanlıq göstərən döyüşçümüzə medal verildi
Azərbaycan Respublikasının ərazi bütövlüyünün qorunub saxlanması, erməni işğalçılarının 2016-cı il aprelin 2-dən 5-dək qoşunların təmas xəttində törətdikləri silahlı təxribatların qarşısının alınması və düşmənin dinc əhaliyə hücumlarının dəf edilməsi zamanı göstərdiyi qəhrəmanlıq və igidliyə görə Ağcabədi rayon Rəncbərlər kənd sakini Usubov Fehruz Ziyad oğlu "Hərbi xidmətdə fərqlənməyə görə" 3-cü dərəcəli medalı ilə təltif edildi.Tədbirdə Ağcabədi Rayon İcra Hakimiyyətinin başçısı Şahin Məmmədov korpus komandirinin müavini Rasim Manafov və kənd ziyalıları,kənd əhalisi iştirak etdilər .Tədbirdə çıxış edən Ağcabədi Rayon İcra Hakimiyyətinin başçısı Şahin Məmmədov gündən-günə möhkəmlənən ordumuzun müqəddəs vəzifəni qısa bir müddətdə yerinə yetirəcəyinə, işğal altında olan torpaqlarımızın tez bir zamanda erməni tapdağından azad ediləcəyinə böyük inam olduğunu vurğulamışdır.Son günlər cəbhədə baş verən hadisələrdən və gənclərin yüksək səviyyədə vətənpərvərlik hissləri nümayiş etdirməsindən danışan natiq onu da qeyd etdi ki, xalqımız Prezident, Ali Baş Komandan İlham Əliyevin ətrafında sıx birləşərək lideri ilə bir olduğunu dünyaya nümayiş etdirdi.
