Azərbaycan Respublikası Mədəniyyət və Turizm Nazirliyinin Elm, təhsil və gənclərlə iş şöbəsinin müdiri Yaşar Əliyev Heydər Əliyev Mərkəzini ziyarət edib
11 may 2016-cı il tarixdə Azərbaycan Respublikası Mədəniyyət və Turizm Nazirliyinin Elm, təhsil və gənclərlə iş şöbəsinin müdiri Yaşar Əliyev, Qaradağ rayon 5 nömrəli Uşaq İncəsənət Məktəbinin direktoru Emin Nağıyev Ağcabədi rayon Mədəniyyət və Turizm şöbəsinin müdiri Rza Quliyev ilə birlikdə Ağcabədi rayon Heydər Əliyev Mərkəzini ziyarət etdilər.
Öncə qonaqlar Mərkəzdə fəaliyyət göstərən dərnəklərin şagirdlərinin əl işlərindən ibarət sərgi, həmçinin “Ən gözəl gül” sərgisi ilə tanış oldular.
Daha sonra Mərkəzin ekspozisiya zalı ilə tanış olan qonaqlara Mərkəzin direktoru Məhsəti Musa tərəfindən Mərkəz haqqında ,dərnəklərin fəaliyyəti haqqında, o cümlədən burada keçirilən tədbirlər haqqında ətraflı məlumat verildi.
Sonda qonaqlarla birlikdə xatirə fotosu çəkildi.
