Ağcabədi rayonunda Ümummilli Lider Heydər Əliyevin anadan olmasının 93-cü ildönümü münasibətilə silsilə tədbirlər davam edir.

May ayının 5-də YAP Ağcabədi rayon təşkilatının, Gənclər və İdman İdarəsinin, Heydər Əliyev Mərkəzinin və Gənclər üçün Təhsil Mərkəzinin Qarabağ şöbəsinin birgə təşkilatçılığı ilə keçirilən daha bir tədbirə yekun vurulmuşdur.Rayonun ümumtəhsil məktəbləri, Ağcabədi Pedaqoji Kollecinin və Azərbaycan Dövlət Pedaqoji Universitetinin Ağcabədi filialının komandaları arasında “Breyn-rinq” bilik yarışına yekun vurulmuşdur. Gərgin keçən intellektual bilik savaşında ADPU-nun “Gənc istedadlar” komandası I yerə, Ağcabədi şəhər 3 saylı məktəb-liseyin komandası II yerə, Ağcabədi şəhər 11saylı tam orta məktəbin komandası III yerə layiq görülmüşdür.Tədbirin yekununda YAP Ağcabədi rayon təşkilatının sədr müavini Nazim Bünyatov çıxış edərək qlibləri təbrik etmiş, onlara uğurlar diləmişdir. Qalib komandalara fəxri fərmanlar təqdim edilmişdir.Həmin gün daha bir tədbirə yekun vurulmuşdur.Rayonun müəssisə və təşkilatları arasında Aprel ayının 30-da başlayan mini futbol üzrə turnir başa çatmışdır. Turnirdə Ağcabədi rayon “Əli” firmasının futbol komandası I yerə, Tərtər Regional Qaz İstismarı İdarəsi Ağcabədi xidmət sahəsinin komandası II yerə, Ağcabədi Pedaqoji Kollecinin komandası III yerə layiq görülmüşdür.