YAP Ağcabədi rayon təşkilatında Bədii Qiraət müsabiqəsi keçirilmişdir.

Ümummilli Lider Heydər Əliyevin anadan olmasının 93-cü ildönümü  münasibətilə  YAP Ağcabədi rayon təşkilatı silsilə tədbirləri davam etdirir.
Növbəti tədbir rayonun  ümumtəhsil məktəblilərinin şagirdləri arasında bədii qiraət müsabiqəsinin keçirilməsi olmuşdur.
YAP Ağcabədi rayon təşkilatının inzibati  binasında keçirilən tədbir Azərbaycan  Respublikasının Dövlət  Himninin səslənməsi  ilə başlamışdır.
Münsiflər Heyətinin sədri  YAP Ağcabədi rayon təşkilatının  sədr  müavini  Teymur  Rəhimov tədbiri  açaraq  bədii qiraət müsabiqəsinin  Ümummilli  Lider  Heydər  Əliyevin  anadan olmasının 93-cü ildönümünə  həsr  edildiyini  bildirmiş, şagirdlərə müsabiqədə  uğurlar  diləmişdir.
Müsabiqədə  Ulu  Öndər  Heydər Əliyevə, Vətənə, Müstəqilliyimizə, Qəhrəman Ordumuza  həsr  edilmiş şerlər səslənmişdir.
Gərgin  keçən  müsabiqə Ağcabədi şəhər  4 saylı  tam  orta məktəbin I sinif şagirdi  Heydər  Məmmədov  I yerə, şəhər  8-saylı tam orta məktəbin şagirdləri Günel  Abbasova  və Aygün Fətullayeva  birgə  ifa  etdikləri şerə görə  II yerə, şəhər 1 saylı tam orta məktəbin V sinif şagirdi Nəzrin  Məmmədova  və  Şərəfxanlı  kənd  tam orta məktəbin VII sinif şagirdi Səyyad  Əliyev  III yerə layiq görülmüşlər.