Ağcabədidə atıcılıq yarışı başa çatmışdır.

YAP Ağcabədi rayon təşkilatı Ümummilli  Lider  Heydər Əliyevin anadan olmasının 93-cü ildönümü  münasibətilə  silsilə  tədbirləri  davam etdirir. Növbəti tədbir rayonun ümumtəhsil məktəblərinin komandaları  arasında keçirilən atıcılıq  yarışı olmuşdur.  Yarıç  aprelin  27-də   başlamış, 29-da başa çatmışdır.
YAP Ağcabədi rayon təşkilatının sədr  müavini, aparat  rəhbəri  Nazim Bünyatov keçirilən atıcılıq yarışının  zalqımızın Ümummilli Lideri Heydər Əliyevin  anadan olmasının 93-cü ildönümünə  həsr edildiyini bildirmiş və yarış  iştirakçılarına  uğurlar  diləmişdir. Nazim Bünyatov onu da vurğulamışdır ki,  bu günkü  keçirilən atıcılıq  yarışı xüsusi önəm  daşıyır. Hamınıza  məlum olduğu kimi aprel ayının əvvəlindən  başlayaraq erməni  hərbi birləşmələri atəşkəsi pozaraq dinc əhalini  və  yaşayış  məntəqələrini atəşə tutur,  intensiv  olaraq  cəbhəyani  bölgələrdə təxribatlar törədirlər. Son günlər cəbhənin  Tərtər, Ağdam, Füzuli eləcə də bizim rayonun kəndlərinə iri çaplı silahlardan açılan atəşlər nəticəsində insanlar yaralanmış, hətta həlak  olanlar olmuş, onlarla  yaşayış  evi  dağıdılmış və yandırılmış, məktəblərə və ictimai binalara ziyan dəymiş,  insanların mal-qarası tələf olmuşdur. Mənfur  düşmənin həmləsinin qarşısı  ordumuz tərəfindən hünərlə alınmışdır.
Ona görə də hər bir Azərbaycanlı gənc silahlardan atəş açmağı  bacarmalı, hərbi  texnikanın sirlərinə yiyələnməli, hər an vətənimizin müdafiəsinə hazır olmalıdırlar. Bu nöqteyi nəzərdən atıcılıq  yarışının keçirilməsinin xüsusi  əhəmiyyəti vardır.
2 gün davam edən gərgin keçən mübarizədə oğlan və qızlar  arasında qaliblər müəyyən edilmişdir.
Oğlanlar arasında Ağcabədi şəhər 2 saylı tam orta məktəbin XI sinif şagirdi Quliyev Rüfət Azər oğlu və Ağcabədi şəhər 1 saylı tam orta məktəbin IX  sinif şagirdi Yusifov Musa Elxan oğlu  I yerə, Pərioğullar kənd tam orta məktəbin X  sinif şafirdi Məmmədov Yusif  Rəhim oğlu II yerə, Xocavənd kənd  1 saylı tam orta məktəbin XI  sinif  şagirdi Abbasov Çingiz Xanlar oğlu III yerə çıxmışdır.
Qızlar arasında Ağcabədi şəhər 8 saylı tam orta məktəbin XI sinif şagirdi Hüseynova Ceyran Əflatun qızı I yerə, Ağcabədi şəhər 6 saylı tam orta məktəbin XI sinif şagirdi Abbasova Məleykə Şövkət qızı II yerə, Ağcabədi şəhər 11 saylı tam orta məktəbin X sinif şagirdi Ağayeva Tamam Rövşən qızı III yerə layiq görülmüşdür.
Qaliblər Ulu Öndərin anadan olmasının 93-cü ildönümü münasibətilə keçirilən yekun  tədbirdə Fəxri Fərman və  hədiyyələrlə mükafatlandırılacaqlar.