Məlumat
Bildiririk ki, 27 aprel 2016-cı il tarixdə saat 23:40 radələrindən başlayaraq 28 aprel 2016 saat 04.30 radələrinədək erməni silahlı bölmələri tərəfindən Ağcabədi rayonunun təmas xəttinə yaxın yaşayış məntəqələri iri çaplı silahlardan atəşə tutulmuşdur.
Atəş nəticəsində rayonun Qaraxanlı kəndinin ərazisinə ümumilikdə 50 ədəd mərmi düşmüşdür. Onlardan 35 ədədi yaşayış məntəqəsinə düşmüş nəticədə 2 mərtəbəli 7 otaqlı fərdi yaşayış evi tamamilə yanmış, 2 fərdi yaşayış evlərinin dam örtüyü və divarların bir hissəsi yararsız hala düşmüş, 2 ədəd köməkçi bina yararsız hala düşmüşdür.Bundan əlavə 19 fərdi yaşayış evinin həyətyani sahəsinə düşən mərmi nəticəsində həmin evlərə müxtəlif dərəcəli ziyanlıq dəymişdir.Kənd sakinlərinə məxsus 3 ədəd iribuynuzlu və 4 ədəd xırdabuynuzlu mal-qara tələf olmuşdur.
Eyni zamanda 180 şagird yerlik Qaraxanlı kənd orta məktəbinin inzibati binasının pəncərəsinin şüşələrinin bir hissəsi yararsız hala düşmüşdür.
Hacılar kənd ərazisinə boş sahələrə ümumilikdə 20 ədəd mərmi düşmüşdür.
Boyat kənd ərazisinə boş sahələrə ümumilikdə 10 ədəd mərmi düşmüşdür.
Yuxarı Qiyaməddinli kənd ərazisinə boş sahələrə ümumilikdə 2 ədəd mərmi düşmüşdür.
