Ağcabədi rayonunda şəhid torpağa tapşırıldı

Aprelin 2-nə keçən gecə cəbhədə erməni təxribatının qarşısını alarkən qəhrəmanlıqla şəhid olan 1990-cı il təvəllüdlü Qarayev Dilsuz Məmmədağa oğlu bu gün dəfn olunub.  Şəhid doğulduğu Ağcabədi  rayon Hindarx qəsəbəsində torpağa tapşırılıb. Onun dəfnində  Rayon İcra Hakimiyyətinin Başçısı Şahin Məmmədovun iştirakı ilə rayonun idarə, müəssisə və təşkilatları, kənd İcra nümayəndəlikləri, bələdiyyələr,  ziyalılar, ağsaqqallar, gənclər, məktəblilər və hərbiçilərdən ibarət 10000 nəfərdən çox   rayon sakini,şəhidin  qohumları, dostları iştirak ediblər.  Dəfn mərasimində  “Şəhidlər ölməz, Vətən bölünməz” şüarı səsləndirilib, şəhid əsgər yaylım atəşləri altında son mənzilə yola salınıb.Daha sonra şəhidin müəllimi,sinif yoldaşı ,Qarabağ əlili, kənd ağsaqqalı,şəhidin atası və Ağcabədi rayon İcra Hakimiyyətinin başçısı cənab Şahin Məmmədov    çıxış edərəkbildirmişdirlər  ki, ölkə prezidenti İlham Əliyev cənabları tərəfindən  həyata keçirilən düşünülmüş və  məntiqli siyasət nəticəsində torpaqlarımızı işğaldan azad edəcəyik, qaçqın və köçkünlər  öz doğma yurd – yuvalarına qayıdacaq və cəzasız qalmış cinayətkarlar layiqli cavablarını alacaqdır.    Sonda rayon rəhbəri erməni qatillərinin qurbanı olan bütün şəhidlərə Tanrıdan rəhmət dilədi .yekunda hazırlanmış ədəbi –bədii kompozisiya nümayiş etdirildi.   Daha sonra Ağcabədi rayon İcra Hakimiyyətinin Başçısı cənab Şahin Məmmədov, hüquq-mühafizə orqanlarının əməkdaşları, idarə müəssisə rəhbərləri, kənd icra nümayəndələri, ziyalılar və rayon ictimayyəti şəhidin qəbri  üzərinə tər çiçək dəstələri düzdülər.