“Muğam aləmi” III Beynəlxalq Muğam Festivalı ilə əlaqədar Ağcabədi rayonunda “Ustaddan şagirdə” adlı Muğam Məclisi keçirilmişdir.
12 mart 2013 – cü il tarixdə saat 11:00 – da “Muğam aləmi” III Beynəlxalq Muğam Festivalı ilə əlaqədar Ağcabədi rayonu Ü. Hacıbəyli adına Qarabağ Muğam Mərkəzində şəhər Uşaq, İncəsənət və Musiqi məktəblərinin muğam şöbələrinin müəllim və şagird kollektivinin iştirakı ilə “Ustaddan şagirdə” adlı muğam məclisi keçirilmişdir.
Muğam Məclisində iştirak edən Azərbaycan Respublikasının Əməkdar Artisti , xanəndə Fehruz Səxavət çıxış edərək muğam ifaçılarını təbrik etdi və onlara maddi – mənəvi irsimiz olan muğamın öyrənilməsində, təbliğində başladıqları bu yolda uğurlar, nailiyyətlər arzuladı.
Daha sonra şəhər Uşaq, İncəsənət və Musiqi məktəblərinin muğam şöbələrinin müəllim və şagirdlərinin ifalarında bir – birindən gözəl muğamlar , xalq mahnıları, təcnislər səsləndirildi. Muğamsevərlər bu ifalarla xoş dəqiqələr keçirdilər.
Muğam Məclisində 170 nəfər iştirak etmişdir.
