Ağcabədi rayonunda Yeni Azərbaycan Partiyası Ağcabədi rayon təşkilatının yaranması qeyd olunmuşdur.
15 yanvar 2016- cı il tarixdə Yeni Azərbaycan Partiyası Ağcabədi rayon təşkilatının yaranmasının 21- ci ildönümü münasibəti ilə Ağcabədi rayonunun Heydər Əliyev meydanında rayon İcra Hakimiyyətinin qarşısında ucaldılmış Ulu Öndər Heydər Əliyevin möhtəşəm heykəlinin önündə tədbir keçirilmişdir. Tədbirdə Ağcabədi rayon İcra Hakimiyyətinin Başçısı, YAP Siyasi Şurasının üzvü Şahin Məmmədov, YAP Ağcabədi rayon təşkilatının sədri Rövşən Əhmədov və digər YAP fəalları iştirak etmişdir.Tədbir iştirakçıları Heydər Əliyev meydanında Ulu Öndərin abidəsi önünə tər çiçəklər düzərək, onun əziz xatirəsini ehtiramla yad etdilər.
Ağcabədi rayon İcra Hakimiyyətinin Başçısı, YAP Siyasi Şurasının üzvü Şahin Məmmədov çıxış edərək tədbir iştirakçılarını və bütün siyasi həmfikirləri Yeni Azərbaycan Partiyası Ağcabədi rayon təşkilatının yaranmasının 21- ci ildönümü münasibəti ilə təbrik etdi və əsası Ulu Öndər Heydər Əliyev tərəfindən qoyulan bu gün öz sıralarında 680 mindən artıq üzvü birləşdirən Yeni Azərbaycan Partiyasının ölkəmizdə xalqa söykənən ən böyük siyasi bir qüvvə olduğunu vurğuladı.
Natiq YAP Ağcabədi rayon təşkilatının yaranma tarixindən, keçdiyi siyasi yoldan, mübarizələrdə mətinləşən təşkilat kimi rayonun, o cümlədən ölkənin ictimai-siyasi həyatında oynadığı roldan danışdı. Bununla yanaşı çıxışının sonunda rayon rəhbəri qeyd etdi ki, Yeni Azərbaycan Partiyasının sədri, möhtərəm Prezidentimiz cənab İlham Əliyevin rəhbərliyi altında ölkəmizin dünyada iqtisadi cəhəddən inkişaf etmiş, beynəlxalq aləmdə söz sahibinə çevrilməsi, Azərbaycanın əhalinin maddi rifah halının yüksəldiyi, siyasi sabitliyin və tolerantlığın bərqərar olduğu, hüquqi və dünyəvi bir dövlətə çevrildiyini qeyd edərək, ictimai-siyasi sabitliyi qorumaq üçün əsl vətəndaş mövqeyi nümayiş etdirərək kənar müdaxilələrə qarşı sayıq olmağı tövsiyyə etdi.
