Ağcabədi şəhər Ü.Hacıbəyov adına 7 saylı tam orta məktəbdə 20 Yanvar Şəhidlərinin xatirəsinə həsr olunmuş tədbir keçirilmişdir
13.01 .2016 cı il tarixdə Ağcabədi şəhər Ü.Hacıbəyov adına 7 saylı tam orta məktəbdə 20 Yanvar Şəhidlərinin xatirəsinə həsr olunmuş Anım tədbiri keçirilmişdir.Əvvəlcə məktəb kollektivi və şagirdlər Rayon Şəhidlər Xiyabanı nı ziyarət etdilər.Şəhid məzarlarına qərənfillər düzüldü.Şagirdlərə 20 Yanvar hadisələri barədə məlumat verildi.Ziyarət zamanı fotoşəkillər çəkildi.
Sonra tədbir məktəbin Akt Zalında davam etdirildi.Şəhidlərin xatirəsi bir dəqiqəlik sükutla yad olundu.Giriş sözü ilə çıxış edən məktəbin direktoru Polad Musayev 20 yanvar faciəsi,erməni işğalçılarının torpaqlarımıza təcavüzü,xalqımızın azadlıq mübarizəsi barədə danışdı.Sonra məktəbin müəllimləri çıxış edərək Qarabağ uğrunda ,vətənimizin müstəqilliyi uğrunda qurban gedən şəhidlərimizin qəhrəmanlığından danışdılar.
Sonra məktəb şagirdlərinin ifasında Şəhidlərə həsr olunan Ədəbi bədi kompozisiya nümayiş etdirildi
