6 saylı məktəbin şagirdləri 20 Yanvar faciəsinin qurbanlarını yad etdilər
Ağcabədi şəhər 6 saylı tam orta məktəbində 20 Yanvar faciəsinin 26-cı ildönümünə həsr edilmiş tədbir keçirilmişdir.İlk olaraq məktəbin şagird və müəllim heyyəti Şəhidlər xiyabanı ziyarət etmişdir.
Sonra məktəbdə tədbir keçirilmişdir. Tədbirdə ilk olaraq Azərbaycan himni səsləndi. 20 Yanvar və Azərbaycan şəhidləri 1 dəqiqəlik sükutla yad edildi. Tədbirdə çıxış edənlər 1990- cı il yanvarın 19-dan 20-nə keçən gecə sovet qoşunlarının xalqımıza elan olunmamış təcavüzündən, hərbi birləşmələrin törətdikləri vəhşilikdən geniş söhbət açdılar. Daha Sonra məktəblilərin 20 Yanvar faciəsinə həsr olunmuş ədəbi-bədii kompozisiya təqdim edilmişdir. Məktəblilər 20 yanvar faciəsi üçün hazırlanmış rəsm və stendə baxdılar. Daha sonra məktəbin akt zalında 1990 cı il 20 Yanvar faciəsinin görüntülərini videoçarxı izlədilər.
