Ü.Hacıbəyli adına Qarabağ Muğam Mərkəzində Azərbaycanın Milli Qəhrəmanı, Qarabağ müharibəsi şəhidi Etibar İsmayılovun il dönümü qeyd edildi.
04 yanvar 2016- cı il tarixində saat 15:00 –da Ağcabədi rayon Ü.Hacıbəyli adına Qarabağ Muğam Mərkəzində Azərbaycanın Milli Qəhrəmanı, Qarabağ müharibəsi şəhidi Etibar İsmayılovun il dönümü qeyd edildi.Tədbirdə çıxış edən Ağcabədi Rayon İcra Hakimiyyəti Başçısının müavini, İctimai - siyasi və humanitar məsələlər şöbəsinin müdiri Naibə Mustafayeva ,şəhər 3 saylı məktəb-liseyin direktoru Tofiq Zeynalaov çıxışlarında qeyd etdilər ki,ölkəmizin ərazi bütövlüyü uğrunda mərdlik və şücaət göstərmiş, "Azərbaycanın Milli Qəhrəmanı" kimi şərəfli ada layiq görülmüş Etibar İsmayılovun həyatının gənclərimizə örnək olması üçün Azərbaycanın Milli Qəhrəmanlarının həyatı, döyüş yolu daima öyrənilməli və təbliğ olunmalıdır.Daha sonra şəhidin qardaşı Vəfadar İsmayılov çıxış edərək göstərilən diqqət və qayğıya görə cənab Prezidentə və rayon rəhbərliyinə təşəkkürünü bildirmişdir.Tədbirin sonunda Mədəniyyət və Turizm nazirliyinin çəkdiyi "Vətənə Etibarlı oğul" adlı sənədli film nümayiş edildi.
