Heydər Əliyev Mərkəzi və “Ələk” ədəbi məclisinin təşkilatçılığı ilə Əliağa Vahidin 120 illik yubileyinə həsr olunmuş ədəbi məclis keçirilib
Görkəmli qəzəlxan Əliağa Vahidin 120 illik yubileyinin keçirilməsi haqqında Azərbaycan Respublikası Prezidentinin 18 mart 2015-ci il tarixli sərəncamına əsasən Heydər Əliyev Mərkəzi və Ağcabədidə fəaliyyət göstərən “Ələk” ədəbi məclisinin təşkilatçılığı ilə ustad qəzəl şairinə həsr olunmuş ədəbi məclis keçirilmişdir. Şair Gündüz Sevindik onun həyat və yaradıcılığı haqqında geniş məlumat verdikdən sonra Ağcabədi rayon Mədəniyyət və Turizm şöbəsinin müdiri Rza Quliyev, Heydər Əliyev Mərkəzinin direktoru Məhsəti Musa, Y.Məmmədov adına Ağcabədi rayon Mədəniyyət Mərkəzinin direktoru Məzahir Mehdiyev ,“Ələk” ədəbi məclisinin üzvləri Tahirə İsaqızı, Zahid Avşar, Fariz Əsədov gənc şairlər Saqif Zeynal, Mina Turan və digərləri Əliağa Vahidin yaradıclığı, həyatındakı maraqlı məqamlar, baməzə beytləri və s. haqqında danışdılar, fikirlərini bölüşdülər, qəzəllərindən nümunələr səsləndirdilər.
