Ağcabədidə Qurban bayramı münasibətilə fiziki məhdud uşaqlar üçün bayram tədbiri təşkil edilmişdir.
Qurban bayramı İslam aləminin ən möhtəşəm və müqəddəs bayramıdır.Elə bu məqsədlə də YAP Ağcabədi Rayon Təşkilatında 24.09.2015-ci il tarixdə Ağcabədi rayon İcra Hakimiyyətinin dəstəyi ilə YAP Ağcabədi rayon təşkilatı Qadınlar Şurası tərəfindən fiziki məhdud uşaqları üçün bayram tədbiri təşkil edilmişdir.
Tədbirdə Ağcabədi rayon İcra Hakimiyyətinin Başçısı Cənab Şahin Məmmədov,Millət vəkilləri Tahir Rzayev,Aqil Abbas ,idarə və təşkilatların rəhbərləri iştirak etmişdir.
Tədbiri giriş sözü ilə açan Ağcabədi rayon İcra Hakimiyyəti Başçısının müavini, ictimai-siyasi və humanitar məsələlər şöbəsinin müdürü,YAP Ağcabədi rayon təşkilatı Qadınlar Şurasının sədri Naibə Mustafayeva bayram münasibətilə bütün uşaqları təbrik etmişdir.
Daha sonra tədbir Üzeyir Hacıbəyli adına şəhər incəsənət məktəbinin kollektivinin hazırladığı əyləncəli proqramla davam etmişdir.Tədbirin sonunda uşaqlara qurban payı verilmiş, bu əziz gündə onlarda bu bayram sevincini ürəkdən yaşamışlar.
