İyulun 8-də Ağcabədi rayonunun Şahsevən Təzəkənd və Şahsevən kəndlərinə ilk dəfə olaraq təbii qaz verilib.
2015-ci il İyulun 8-də Ağcabədi rayonunun Şahsevən Təzəkənd və Şahsevən kəndlərinə ilk dəfə olaraq təbii qaz verilib. Bu münasibətlə keçirilən mərasimdə Ağcabədi Rayon İcra Hakimiyyətinin Başçısı,Millət vəkili, Azərbaycan Respublikası Dövlət Şirkətinin “Azəriqaz” İstehsalat Birliyinin təmsilçiləri, rayon ictimaiyyətinin nümayəndələri və qəsəbə sakinləri iştirak ediblər.
Çıxış edənlər ölkədə və rayonda gedən sosial-iqtisadi inkişafdan, əhalinin sosial rifah halının yaxşılaşdırılması, yaşayış məntəqələrinin qazlaşdırılması istiqamətində görülən işlərdən danışıblar. Bildirilib ki, indiyədək rayonun 1 şəhər, 1 qəsəbə 20 kəndinə təbii qaz verilib.
Çıxış edən kənd sakinləri qaz çəkilişinə görə dövlətimizin başçısına minnətdarlıqlarını bildiriblər.
