Ağcabədidə rəqs müsabiqəsi keçirildi

YAP Ağcabədi rayon təşkilatında Xalqımızın Ümummilli  Lideri Heydər Əliyevin anadan olmasının  92-ci illiyinə həsr edilmiş silsilə tədbirlər həyata keçirilir. Belə tədbirlərdən biri də  Ağcabədi şəhərindəki, Üzeyir Hacıbəyli adına  Muğam Mərkəzinin  konsert salonunda baş tutmuşdur.
YAP Ağcabədi rayon təşkilatı, Heydər Əliyev MərkəziAğcabədi rayon Təhsil şöbəsi və rayon Mədəniyyət və Turizm şöbəsinin dəstəyi ilə  keçirilən rəqs müsabiqəsində rayonun uşaq bağçaları, orta məktəbləri və incəsənət məktəbinin şagirdləri iştirak etmişlər. Hər bir rəqs nömrəsi göstərirdi ki, ifaçılar bu  müsabiqəyə  çox ciddi  hazırlaşmışlar.
Təqdim edilən rəqs nümunələrində Azərbaycan milli rəqsləri ilə yanaşı hind, fars, özbək, ispan, moldavan, qaraçı və ukrayna  xalq rəqsləri də ifa edilmişdir.
Gərgin mübarizə və rəqabət  şəraitində keçən müsabiqə də  Ağcabədi incəsənət məktəbinin şagirdi İsmayılova  Nuranə  ifa etdiyi "fars rəqsi" isə birinci yeri tutmuşdur.
Şəhər 5 saylı tam orta məktəbin şagirdi Bayramova Kəmalə "saçlarını yan dara qız" Azərbaycan   milli rəqsinə görə ikinci yerə layiq görülmüşdür.
Ağcabədi şəhər 8-saylı uşaq bağçasının  balaca rəqqasələri "quşlar  rəqsi" nə görə və şəhər 3-saylı orta məktəbin şagirdi Muradzadə Elvina ifa etdiyi "hind" rəqsinə görə üçüncü yeri tutmuşdur.