Ağcabədidə silsilə tədbirlər davam edir

YAP Ağcabədi rayon təşkilatının tədbirlər planına müvafiq olaraq Ümummilli Lider Heydər Əliyevin anadan olmasının 92-ci ildönümü münasibəti ilə silsilə tədbirlər davam edir. Aprel ayının 29- da YAP Ağcabədi rayon  təşkilatının inzibati binasında YAP Ağcabədi rayon təşkilatı , Heydər Əliyev Mərkəzinin və Təhsil şöbəsinin təşkilatçılığı ilə məktəblilər arasında " Ən böyük Azərbaycanlı" mövzusunda inşa yazı  müsabiqəsi keçirilmişdir.İnşa yazı işləri münsiflər heyəti tərəfindən yoxlanaraq qiymətləndirilmişdir.Müsabiqədə Ağcabədi rayonun Köyük kənd orta  məktəbin  IX sinif şagirdi Aytəkin Hacıyeva I yerə, Ağcabədi şəhər 3 saylı  tam orta məktəbin VIIIa sinif şagirdi  II yerə, Rəncbərlər kənd tam orta  məktəbin X a  sinif şagirdi  Toğrul Quliyev III yerə layiq  görülmüşdür.May ayının 1-də məktəblilər arasında bədi qiraət müsabiqəsi keçirilmişdir. Müsabiqədə Qaraxanlı kənd tam orta məktəbin 6-sinif şagirdi Nubar Əliyeva I yerə, Aran kənd  2- saylı tam orta məktəbin 7-sinif şagirdi Şövqiyyə Qarayeva  II yerə, Salmanbəyli kənd tam orta məktəbin  şagirdi Rəşadət Həsənov isə III yerə layiq görülmüşlər.May ayının 1-də həmçinin rayonun müəssisə və təşkilatları arasında mini futbol üzrə rayon turnirinə də start verilmişdir.İnşa  müsabiqəsinin, bədii qiraət, mini futbol, eləcə də digər müsabiqə və yarışların qalibləri Ümummilli Lider Heydər Əliyevin anadan olmasının 92-ci ildönümünə həsr edilmiş yekun tədbirdə Fəxri Fərman və hədiyyələrlə  mükafatlandırılacaqdır.