Ağcabədi rayonu Y. Məmmədov adına Mədəniyyət Evində Heydər Əliyev Fondunun, Azərbaycan Mədəniyyəti Fondunun və Azərbaycan Televiziyasının dəstəyi ilə “ V Muğam televiziya müsabiqəsi”nin növbəti mərhələsi keçirilmişdir.

24 aprel 2015-ci il tarixdə saat 20:45 –də Ağcabədi rayonu Y. Məmmədov adına Mədəniyyət Evində Heydər Əliyev Fondunun, Azərbaycan Mədəniyyəti Fondunun və Azərbaycan Televiziyasının dəstəyi ilə “ V Muğam televiziya müsabiqəsi”nin canlı yayımla növbəti mərhələsi keçirilmişdir.
Qonaqlar Ü. Hacıbəyli adına Qarabağ Muğam Mərkəzində , Ü. Hacıbəyli adına şəhər incəsənət məktəbində olmus, musiqi məktəbləri şagirdlərinin ifalarında xor və bəstəkar mahnılarını dinləmiş və ustad tövsiyələrini vermiılər. Sonra qonaqlar rayonun digər görməli yerlərində gəzintidə olublar.
Azərbaycan Televiziyasının “ Mədəniyyət “ kanalının direktor müavini, əməkdar incəsənət xadimi, “Muğam Müsabiqəsi 2015” Televiziya musabiqəsinin təşkilat rəhbəri Nadir Axundovun, Azərbaycan Respublikasının Xalq artistləri Arif Babayevin, Ağaxan Abdullayevin, Ramiz Quliyev, Səkinə İsmayılovanın, və Azərbaycan Bəstəkarlar İttifaqının katibi, əməkdar incəsənət xadimi Sərdar Fərəcovun münsiflər heyətində olduğu “ Muğam Müsabiqəsi 2015” Televiziya musabiqəsinin iştirakçıları Böyük Azərbaycan şairi Xurşud Banu Nətavanın qəzəllərinin yer aldığı bir – birindən maraqlı muğamlarla tamaşaçıları feyziyab etdilər.
Televiziya muğam musabiqəsinin tərk edən iştirakçı olmadı, çünki münsiflər Qarabağ torpağında onlara güzəşt edərək zəif çıxış edən iştirakçını müsabiqədə saxladılar..
Muğam müsabiqəsində 350 nəfər iştirak etmişdir.