6 saylida kecirilmis elifba bayrami
Aprelin 25-də Ağcabədi şəhər 6 saylı tam orta məktəbdə Əlifba bayramı keçirilmişdir.
Tədbiri giriş sözü ilə açan məktəbin direktoru Əli Bədəlov birinciləri Əlifba bayramı münasibətilə təbrik edərək onlara gələcək təhsil illərində uğurlar diləmiş, həmişə belə fəal və bilikli olmalarını arzulamışdır.
Sonra tədbirdə qonaq qismində iştirak edən GTM Qarabağ ofisinin rəhbəri Radə Telmanqızı uşaqları təbrik edərək onlara bol sevinc arzulamışdır.Uşaqlar əlifbanın əsası olan hərflərlə, rəqəmlərlə, nağıllarla, hətta sait və samitlərlə bağlı gözəl səhnəciklər nümayiş etdirmişlər. Birincilər dərs ilinin sonunadək aldıqları bilik və bacarıqlarını nümayiş etdirərək müxtəlif dillərində şeir və mahnılar ifa etmiş, nağıllar aləminə səyahət edərək müxtəlif səhnəciklər göstərmişlər.
Məktəblilərin ifasında milli, Şərq və Avropa rəqsləri alqışlarla qarşılanmışdır. Məlahətli səsə malik uşaqlar tədbirin daha maraqlı olması üçün zövqləri oxşayan və yaddaqalan musiqi nömrələri ifa etmişlər.
Şagirdlərin hər bir çıxışı tədbir iştirakçıları tərəfindən maraqla qarşılanmışdır.
