Ağcabədi rayonunda “20 yanvar” faciəsinin anım günü keçirilmişdir.

19 yanvar 2012-ci ildə tarixdə saat 10:00 –da Ağcabədi rayonu Şəhidlər Xiyabanında və Ü. Hacıbəyli adına Qarabağ Muğam Mərkəzində 20 Yanvar faciəsinin 23 – cü ildönümü münasibəti ilə tədbir keçirilmişdir.
Əvvəlcə Şəhidlər Xiyabanında Ağcabədi rayonunun axundu Mərdan Rzayev şəhidlərin ruhuna dualar oxumuşdur. Sonra Ağcabədi rayon İcra Hakimiyyəti Başçısının səlahiyyətlərini müvəqqəti icra edən, RİHB – nın birinci müavini Rövşən Əhmədov, hüquq-mühafizə orqanlarının əməkdaşları, idarə müəssisə rəhbərləri, kənd icra nümayəndələri, ziyalılar və rayon ictimayyəti “20 Yanvar” abidəsi önünə, 1941-1945-ci illər II dünya müharibəsində həlak olmuş döyüşçülərin xatirə kompleksi önünə və Qarabağ müharibəsi şəhidlərinini qəbirləri üzərinə tər qərənfil dəstələri düzmüş və onların ruhunu yad etmişlər.
Tədbir Ü. Hacıbəyli adına Qarabağ Muğam Mərkəzində davam etmişdir.
Tədbiri Ağcabədi Rayon İcra Hakimiyyəti Başçısının müavini - İctimai-siyasi və humanitar məsələlər şöbəsinin müdiri Əbülfət Tapdıqov açaraq çıxış etmiş və bildirmişdir ki, Sovet imperiyası 20 yanvar 1990-cı ildə öz azadlığı, öz dövlətinin sahibi kimi yaşamaq, müstəqil həyat sürmək uğrunda mübarizə aparan xalqımıza qarşı irimiqyaslı hərbi təcavüz və ağır cinayət əməllərini törətmişdir. 23 il əvvəl o qanlı yanvar gecəsi xalqımız babalardan qalma qəhrəmanlıq ənənəsini dünyaya yenidən göstərdi. Yurdumuzun oğul və qızları müstəqilliyimiz, azadlığımız, torpaqlarımızın bütövlüyü uğrunda şəhidlik zirvəsinə ucaldılar. Bu qanlı faciə Sovet imperiyasının cinayətkar rəhbərliyinin xalqımızı müstəqil yaşamaq əzminə görə cəzalandırmaq, onu sarsıtmaq və azadlıq ideyasından əl çəkməyə məcbur etmək üçün həyata keçirdiyi ağır cinayət əməli idi. O müdhiş gücədə baş verən dəhşətli cinayət hər bir Vətən övladının qəlbini göynədir. Həmin gecə bir neçə istiqamətdən sovet qoşunları Azərbaycanın döyünən ürəyi olan Bakıya yeridildi. Qoşunlar yerləşən istiqamətlərdə təsadüfən yoldan keçən piyadalar, avtomobillə gedənlər, evində ailəsinin, uşağının yanında olanlar gülləbaran edildi.
Daha sonra Ağcabədi Rayon İcra Hakimiyyəti Başçısının müavini - İctimai-siyasi və humanitar məsələlər şöbəsinin müdiri Əbülfət Tapdıqov çıxış edərək həmin faciəli günlərdə həmyerlimiz olan Faiq Əlizadənin şəhid olduğunu bildirərək, onun xatirəsinin daima ağcabədililərin yaddaşlarından silinməyəcəyini nəzərə çatdırmışdır.
Ağcabədi Rayon İcra Hakimiyyəti Başçısının müavini - İctimai-siyasi və humanitar məsələlər şöbəsinin müdiri Əbülfət Tapdıqov daha sonra çıxışında həmin faciəli günlərdə fədakarlıq göstərmiş Azərbaycan xalqının dahi oğlu Ümummilli Liderimiz, Ulu Öndər Heydər Əliyevin 20 yanvar faciəsinin səhəri günü həyatı üçün hər an yarana biləcək təhlükədən çəkinməyərək Moskvadakı Azərbaycan nümayəndəliyinə gedərək orada mətbuat konfransı keçirməsindən və xalqımızın dərdinə şərik olduğunu bildirməsindən danışmışdır.
Daha sonra Ağcabədi Pedoqojo Kollecin direktor müavini Rövşən Bayramov, AMİ-nin Ağcabədi filialının 4 – cü kurs tələbəsi Məryəm Mürsəlova, Qarabağ Əlilləri və Şəhid Ailələri İctimai Birliyinin sədri İsmayılov Məhərrəm çıxış edərək, bu günün Azərbaycan xalqının tarixində Ümumxalq Hüzn günü olmaqla yanaşı, azadlıq qələbəsinin təntənəsi günü kimi də əbədi həkk olunduğunu bildirdilər.
Tədbirdə Moskva şəhərinin Azərbaycan nümayəndəliyində Ulu Öndərimiz Heydər Əliyevin keçirdiyi mətbuat konfransına aid sənədli film göstərilmişdir
Tədbirin sonunda Ağcabədi şəhər 3 saylı məktəb liseyin şagirdlərinin hazırladığı ədəbi-bədii kompozisiya nümayiş etdirilmişdir.
Tədbirdə 7000 nəfər rayon sakini iştirak etmişdir.