Ağcabədi rayonunda hərbi xidmətə təntənəli yola salma mərasimi olmuşdur
03 yanvar 2013- cü il tarixdə saat 10:00 –da Ağcabədi rayonunda Səfərbərlik və Hərbi Xidmətə Çağırış üzrə Dövlət Xidmətinin rayon şöbəsində hərbi xidmətə çağırış ilə əlaqədar təntənəli yolasalma mərasimi ilə bağlı tədbir keçirilmişdir.
Ilk öncə tədbir iştirakçıları Rayon İcra Hakimiyyəti binasının qarşısında ucaldılmış Ulu Öndər Heydər Əliyevin möhtəşəm heykəlinin önünə tər çiçəklər düzərək, Ulu Öndər Heydər Əliyevin əziz xatirəsini yad etmişlər. Daha sonra tədbir iştirakçıları Heydər Əliyev Mərkəzini ziyarət etmişlər. Sonra isə tədbir Səfərbərlik və Hərbi Xidmətə Çağırış üzrə Dövlət Xidmətinin Ağcabədi rayon şöbəsində davam etdirilmişdir. Tədbirdə iştirak edən rayon ictimaiyyətinin nümayəndələri, ağsaqqallar, valideynlər gənc çağırışçılara vətəni qorumaq yolundakı bu şərəfli yolda uğurlar diləmiş, onlara uzun ömür, can sağlığı arzulamışlar.
Tədbir rayon Mədəniyyət şöbəsinin konsert proqramı ilə davam etmişdir.
Tədbirdə 200 nəfər iştirak etmişdir.
