Ağcabədi Pedaqoji Kollecində 31 Mart Soyqırımının qurbanları yad edildi
31 mart Azərbaycanlıların soyqırımı ilə bağlı Ağcabədi Pedaqoji Kollecində tədbir keçirilmişdir. Tədbiri Kollecin direktoru Mirələm İbrahimli açdıqdan sonra Soyqırım zamanı qətlə yetirilmiş soydaşlarımızın xatirəsi 1 dəqiqəlik sükutla yad edildi.Ağcabədi Pedaqoji Kollecinin tarix müəllimi Əliyev Bəxtiyar məruzə ilə çıxış etdikdən sonra Gənclər üçün Təhsil Mərkəzinin Qarabağ Regional ofisinin rəhbəri Radə Telmanqızı,Kollecin müəllimləri Şirxan Aranlı,Rövşən Bayramov zaman-zaman ermənilər tərəfindən törədilmiş faciələr barədə ətraflı məlumat verdilər.
Tədbirdə iştirak edən kollecin tələbələri Sübhan Məmmədov,Günel Əliyeva və Salatın Səmədova diskusiya şəklində fikirlərini bölüşdülər.
Tədbirin sonunda Azərbaycan xalqına qarşı həyata keçirilən soyqırıma həsr edilmiş film-slayd nümayiş etdirildi.
