“Qadınlarsız bir gün”
Gənclər üçün Təhsil Mərkəzi
7 mart 2015-ci il
Bakı şəhəri
“Qadınlarsız bir gün”
7mart 2015-ci il tarixində Gənclər üçün Təhsil Mərkəzinin Qarabağ Regional Ofisi Ağcabədi rayonunda oğlanların iştirakı ilə “Qadınlarsız bir gün” adlı viktorina keçirmişdir.
Elm, təhsil, səhiyyə, mədəniyyət və digər sahələrdə çalışan, habelə bir çox ictimai təşkilatlara rəhbərlik edən qadınların da iştirak etdiyi tədbiri giriş sözü ilə açan Ağcabədi rayon İcra Hakimiyyəti başçısının müavini Naibə Mustafayeva tədbir iştirakçılarını salamlamış, Azərbaycan qadınının daima hünər və cəsarət simvolu kimi tarixə düşdüyünü qeyd etmişdir. Daha sonra Gənclər üçün Təhsil Mərkəzinin Qarabağ regional ofisinin rəhbəri Radə Qafarova regionda xanımların ictimai fəallığından söhbət açmış, müharibə gedən şəraitdə, cəbhə bölgəsində hər bir xanımın düşmən qarşısında bir sipər, öz həyat yoldaşının silahdaşı olduğunu vurğulamışdır.
Tədbirdə iştirak edən Ağcabədi şəhər 1saylı,3 saylı,4 saylı,7saylı və 12 saylı tam orta məktəblərin gənc bəyləri xanımlar üçün müxtəlif növ yemək çeşidləri hazırlamışlar.
Mətbuat Xidməti
