Ağcabədi rayonunda " Şən Startlar " idman yarışı keçirilmişdir.
25 dekabr 2014 -cü il tarixdə saat 11: 00-da Ağcabədi şəhəri 12 saylı tam orta məktəbində Rayon İcra Hakimiyyətinin dəstəyı ilə " Şən Startlar" idman yarışı keçirilmişdir.
Yarışda şəhərin körpələr evi – uşaq bağçalarının balaca fidanları müxtəlif estafetlərlə yarışmışdırlar.
Yarışa Ağcabədi rayon Gənclər və İdman idarəsindən mütəxəssislər hakimlik etmişdirlər.Sonda qiymətləndirmənin nəticəsi olaraq şəhər 4 saylı körpələr evi – uşaq bağçasının komandası 1-ci yerə, 6 saylı körpələr evi – uşaq bağçasının komandası II yerə və 3 saylı körpələr evi – uşaq bağçasının komandası III yerə layiq görülərək hədiyyələrlə təltif olunmuşdur.
Hər estafet arası “ Günərzi” Qayğı Mərkəzinin balaca fidanları hazırladıqları bayram şeirləri və rəqsləri ilə idmancıları ruhlandırmışdılar.
Yekunda 31 dekabr – Dünya Azərbaycanlıların Həmrəyliyi Günü və Yeni il bayramı münasibəti ilə 100 nəfər uşağa bayram hədiyyəsi verilmişdir.
